Aımaqtar • 25 Mamyr, 2020

Alǵash ret sońǵy qońyraý onlaın rejımde ótedi

1732 ret kórsetildi

25 mamyrda barlyq mektepte oqý jyly aıaqtalady. Pandemııa kezinde qashyqtan oqý formatyna baılanysty memlekettik qorytyndy emtıhandar bolmaıdy. Jyldyq qorytyndy baǵany qoıý úshin mektepterde bólim boıynsha jıyntyq baǵalaý men toqsandyq jıyntyq baǵalaý júrgizildi. Bul týraly Nur-Sultan qalalyq bilim basqarmasynyń basshysy Sholpan Qadyrova habarlady.

«Bıyl mektep bitirý sharalary «Birgemiz: Túlek – 2020» uranymen ótedi. 25 mamyrda saǵat 11:00-de barlyq mektepterde ata-analar, qamqorlyq keńesiniń músheleri, mekteptiń úzdik túlekteri, bıznes ókilderiniń qatysýymen 1-10 synyptarǵa arnalǵan onlaın-sońǵy qońyraý ótedi. Bilim jáne ǵylym mınıstri Ashat Aımaǵambetovtyń quttyqtaýy bolady», - dedi Sh.Qadyrova.

3 maýsymda mektepterde 11 synyp túlekterine attestat pen «Altyn belgi» tabystaý saltanaty ótedi. Jıyn mekteptiń aýlasynda ashyq aspan astynda sanıtarlyq normalardy saqtaı otyryp ótkiziledi. Túlekterge mektep formasymen qatysý týraly eskertildi. Saltanatty jıynnan soń «Túlekter alleıasynda» aǵash otyrǵyzý josparlanýda.

«Mektep ákimshiligine meıramhanalar men dámhanalarda mektep bitirý keshin ótkizý kezinde quqyq buzýshylyqqa jol bermeýge mindetteldi», - dedi basqarma basshysy.

Buǵan deıin habarlanǵandaı, bıyl elorda mektepterin 6 515 túlek bitiredi. Onyń 6 199-y nemese 95 % UBT tapsyrýǵa ótinish bildirdi. UBT sanıtarlyq normalardy saqtaı otyryp, 20 maýsym men 5 shilde aralyǵynda uıymdastyrylady. Test tapsyrý ýaqyty 3 saǵat 50 mınýt, ol eki bólimnen turady – úsh mindetti pán (20 tapsyrma) jáne beıindik pán (30 tapsyrma). Bıyl UBT-da 11 synyptyń 4 toqsanynyń baǵdarlamasynan suraqtar bolmaıdy.

«Osy oraıda túlekterdiń ata-analaryna úılerinde qalýyn suraımyz, sonda balalardyń densaýlyǵy men qaýipsizdigin saqtaıtyn bolamyz. Mektepke deıingi uıymdardaǵy daıyndyq tobynyń balalary 1 tamyzǵa deıin balabaqshaǵa barýyn jalǵastyrady. 1 maýsymnan bastap barlyq balabaqshalar men qosymsha bilim berý uıymdarynyń jumysyn shtattyq rejımde qaıta jandandyrý josparlanýda», - dedi ol.

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar