Búgingi tańda «China Xinxing Group» jol kompanııasy men «SP «KazGerStroı» JShS 4500 myńnan astam tekshe metr jer qazý jumystaryn oryndady. Sonymen qatar, munda 85 sý ótkizý qubyry, 46 malótkeli salyndy. Munymen qosa, mamandar 73,8 shaqyrymda qumdy-qıyrshyq tasty qospadan jasalǵan joldyń tóseme qabatyn, 48,7 shaqyrymda jol negiziniń tómengi qabatyn, 27,8 shaqyrymda joǵary keýekti iri túıirshikti asfalt-betonnan jasalǵan jol negiziniń joǵarǵy qabaty men 19,5 shaqyrymda tyǵyz iri túıirshikti asfalt-betonnan jasalǵan jol jabyndysynyń tómengi qabatyn jaılastyrdy. Barlyq jumystardyń sapasyn «IýVPEK-Astana» JShS baqylaıdy.
Qaıta jańartý jumystarynan ótken soń, nysan 2 jolaǵy bar II tehnıkalyq sanattaǵy jolǵa sáıkestendiriledi. Sondaı-aq, jobaǵa sáıkes munda 38 kópir men jol ótkelderi, 345 sý ótkizý qubyry men mal ótkelder, sondaı-aq 14 demalys alańynyń qurylysy qarastyrylǵan. Qaıta jańartý jumystaryna 684 tehnıka men 1357 adam jumyldyryldy. Joba 2022 jyly tolyqtaı aıaqtalady dep kútilýde.
Aıta ketý kerek, Shyǵys Qazaqstan oblysy arqyly respýblıkalyq mańyzy bar joldardyń 2807 shaqyrymy ótedi. Bul – el óńirleri arasyndaǵy eń úlken kórsetkish. Búgingi tańda joldardyń 82,2% jaqsy jáne qanaǵattandyrarlyq jaǵdaıda.
Eske salaıyq, avtomobıl joldary salasyn damytý aıasynda Qazaqstanda 2020 jyly respýblıkalyq mańyzy bar joldardyń 4000-nan astam shaqyrymy qurylys jáne qaıta jańartý jumystarymen qamtylsa, kólik qozǵalysy joldardyń 2600 shaqyrymynda ashylmaq.
