22 Mamyr, 2020

Almatydaǵy Naýryzbaı aýdanyndaǵy aýyz sý máselesi qashan sheshiledi?

27 retkórsetildi

Búgin Almaty qalasynyń ákimi Baqytjan Saǵyntaev Naýryzbaı aýdanynyń turǵyndaryn úzdiksiz sý júıesimen qamtamasyz etý maqsatynda salynyp jatqan ınjenerlik jelilerdiń qurylysymen tanysty.

Aýyz sýmen qamtamasyz etý Naýryzbaı aýdanyndaǵy eń ótkir máselelerdiń biri, ótken jyly jáne bıylǵy jyldyń basynda qala ákimimen bolǵan kezdesýlerde aýdan turǵyndary bul máseleni birneshe ret kótergen bolatyn. Aýdanda qalalyq sýmen qamtýdyń úlesi nebári 30 paıyz, qalǵandary – qajetti sapaly sýmen qamtamasyz ete almaıtyn jeke skvajınalar, «Qarǵaly» jáne «Aqsaı» ózenderindegi ashyq sý toǵandary. Baqytjan Saǵyntaevtyń tapsyrmasy boıynsha ótken jyly ótkir áleýmettik mindetterdi sheshý úshin bıýdjettik shyǵyndar qaıta qaralyp, qurylys jumystary bastalǵan edi.

Alǵashqy kezeńde Naýryzbaı aýdanynyń Quramys, Taýjoly, Aqjar, Jaılaý, Tastybulaq, Shuǵyla syndy alty yqshamaýdandarynda, sonymen qatar Qaraǵaıly ózeni boıyndaǵy tazartý stansııasynda sý qubyrlary men káriz jelileri salyna bastady. Osynyń arqasynda aýdannyń 48 myńnan astam turǵyny sapaly aýyz sýmen qamtamasyz etiletin bolady. Qurylys jumystaryn aıaqtaý keler jylǵa josparlanǵan. Jalpy aýdanda barlyǵy 121,5 shaqyrym sý qubyrlary, 85 shaqyrym  sý aıyrǵysh jeliler  tartylady, nátıjesinde barlyq  yqshamaýdandar ortalyq sý júıesimen qamtamasyz etiledi.

Búgin qala ákimi B.Saǵyntaev Jaılaý jáne Aqjar yqshamaýdandaryndaǵy  ınjenerlik jeliler salynyp jatqan qurylys jumystarmen tanysty jáne «Qarǵaly» sý tazartý stansııasynyń qurylys alańynda boldy.

Baqytjan Saǵyntaev sapaly sýdyń qalalyqtardyń ózderin jaqsy sezinýlerine jáne olardyń densaýlyqtaryna oń áser etetinin atap ótti. Sondyqtan Naýryzbaı aýdany turǵyndaryn taza aýyz sýmen qamtamasyz etý jóninde pármendi sharalar qabyldanǵan edi.

«Shetsiz qala» qaǵıdasyna saı Almaty qalasynyń barlyq turǵyndaryna birdeı joǵary deńgeıdegi jaǵdaılardy jasaıtyn bolamyz», - dep atap ótti B. Saǵyntaev jáne jumys sapasyn qatań baqylaýǵa alýdy tapsyrdy. Qala ákimi sý jelileri tartylǵan kósheler turǵyndarynyń  ótinishi boıynsha  jumystyń jalpy kólemin aıaqtaýdy kútpeı joldarǵa birden asfalt tóseýdi tapsyrdy.

О́tken jyldyń qyrkúıek aıynda Jaılaý yqshamaýdanynda ınjenerlik jeliler qurylysy bastalǵan bolatyn. Onyń uzyndyǵy 7,8 shaqyrymdy quraıdy. Naýryzbaı  aýdanynyń ákimi Sanjar Toǵaı nysan qurylysynyń kestege saı júrip jatqanyn, búgingi kúnge deıin jumystyń 50 paıyzdan astamynyń oryndalǵanyn, 4,2 shaqyrym qurylystyń salynǵanyn baıandady. Qurylys jumystaryn qarasha aıynda aıaqtaý josparlanǵan. Nátıjesinde yqshamaýdannyń 2 myńnan astam turǵyny taza aýyz sýmen qamtamasyz etiledi.

Aqjar yqshamaýdanynda da osyǵan uqsas jumystar júrýde, munda 29,2 shaqyrym sý jáne 15,7 shaqyrym káriz jelileri tartylady. Jumys aıaqtalǵan soń 18 myńnan astam adam sý jáne káriz qubyrlaryna  qosylatyn bolady.

Ústimizdegi jyldyń mamyr aıynda «Qarǵaly» sý tazartý stansııasynyń qurylysy bastalǵan edi. Jobada sý toǵany  nysanynyń qurylysy qarastyrylǵan, nátıjesinde  qýattylyq 10 ese artady,  1440 tekshe metr sý táýligine 15 myńǵa deıin  jetedi. Joba júzege asqanda 4 yqshamaýdandy, 77 kósheni jáne 3015 turǵyn úıdi sýmen qamtamasyz etýge múmkindik týady.

Jumys sapary barysynda qala ákimi Qarǵaly ózeniniń jaǵalaýyn nyǵaıtý jumystarynyń barysymen  tanysty. Tájıev, Igilik kósheleri men Pıshevık demalys úıiniń aınalasyndaǵy jar qabattardy gabıondy konstrýksııalarmen myqtylaý jumystaryn aıaqtaý qyrkúıek aıyna josparlanǵan.

Sonymen qatar, Qarǵaly ózeniniń arnasyn myqtylaý jáne Aqjar yqshamaýdanyndaǵy Tastybulaq ózeni arqyly ótetin kópir ótkelin jóndeý josparlanǵan.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar