«Elektrondy úkimet» portalynda júrgizýshi kýálikterin berý boıynsha kórsetiletin qyzmet jetildirildi. Endi ony merzimi ótken, tegin, atyn jáne ákesiniń atyn aýystyrǵan, qujatty joǵaltqan nemese urlaǵan kezde paıdalanýǵa bolady. Kórsetiletin qyzmetti jeke tulǵalar paıdalana alady.
«Biz turaqty jáne táýlik boıy monıtorıng júrgizip, keri baılanys jasaımyz. Azamattardan kelip túsetin barlyq usynystar jeke keıster retinde qaralady jáne pysyqtalady. Bul sondaı-aq onlaın rejımde Memlekettik kórsetiletin qyzmetterdi alý prosesin jaqsartýǵa jáne jeńildetýge yqpal etedi», - dedi «UAT» AQ Basqarma tóraǵasy Áset Turysov.
Kórsetiletin qyzmetti alý úshin portalǵa eGov.kz kirý jáne «Kólik jáne kommýnıkasııa» qosymsha betin tańdaý kerek. Budań soń «Avtomobıl kóligi» bóliminde «Júrgizýshi kýálikterin berý» kórsetiletin qyzmetin tańdaý qajet. Sondaı-aq portalda avtorlaný jáne «Kórsetiletin qyzmetke onlaın tapsyrys berý» batyrmasy boıynsha ótip, barlyq mindetti alańdardy toltyrý, fotosýretti jáne qol qoıý úlgisin júkteý kerek. Budan ári 1,25 AEK mólsherinde tólem jasap, ESQ kómegimen qyzmetke qoıylýy tıis.
«Tegin, atyn jáne ákesiniń atyn ózgertý» jolyn tańdaǵan kezde tegin, atyn, ákesiniń atyn aýystyrý týraly kýálikti júkteý qajet. Is-áreket etý merzimi ótkennen keıin 083-Ý medısınalyq anyqtamany, joǵalǵan nemese urlanǵan jaǵdaıda aýdandyq polısııa basqarmasynan anyqtamany tirkeý qajet. Kórsetiletin qyzmet QR IIM ákimshilik polısııa komıtetimen birge jetildirilgen.
