Aımaqtar • 23 Mamyr, 2020

Baıanaýylda týrıstik salany damytýǵa arnalǵan jańa jospar ázirlenip jatyr

43 ret kórsetildi

Tótenshe jaǵdaı, indettiń taralýy saldarynan halyqaralyq týrıstik baǵyttardyń azaıýyna oraı osy jazda óńirimiz týrısterdi qabyldaýǵa daıyndalýda.

Jalpy aldyn-ala esepteý boıynsha, Baıanaýyl ulttyq parkiniń kýrorttyq aımaǵyna aldaǵy jazda 300 myńǵa jýyq týrısti kútip otyr.

Oblys ákimdiginde ótken  jıynda óńir basshysy Baıanaýyldaǵy Jasybaı, Sabyndykól jáne Toraıǵyr kólderin aralap kórgenin, biraq týrıster úshin qarapaıym jaǵdaı da jasalmaǵanyn aıtty. 

- Qazir týrızm basqarmasy, aýdan basshylyǵy jáne meniń týrızmge jaýapty orynbasarym kýrorttyq aımaqty damytý josparyn daıyndap jatyr, – dep atap ótti  oblys ákimi Ábilqaıyr Sqaqov.

Iаǵnı, aldymen burynǵy ınfraqurylymnyń daıyndyǵyn saraptamadan ótedi. 

Maqsat - týrıstik bıznes tarapynan mádenıet pen servısti arttyrý.

Bıylǵy jyly kýrorttyq aımaqta 30 kılometrge jýyq jolǵa asfalt tóseledi, 13,5 shaqyrym elektr jelisi jáne 52 kılometrge jýyq sý qubyry salynady.

Jazǵy maýsymnyń ashylýyna deıin Baıanaýylda Áýlıe bulaq pen Qońyr áýlıe úńgiri aýmaqtaryn abattandyrý jumystary bastaldy.

Sondaı-aq Toraıǵyr aýylynan kól jaǵajaıyna jáne Qońyr áýlıe úńgirine deıin jol salynýda.

Sonymen qatar Baıanaýyldaǵy shaǵyn áýejaı arnaıy sertıfıkattaýdan ótpegen soń, iske qosylmaıdy.

Al, Maraldy kóli jaǵasyndaǵy týrızm jobasyn kóldi zerttep almaı bastaǵandyqtan, qazir  jabyldy deýge bolar.

Pavlodar oblysy  

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar