Koronavırýs • 23 Mamyr, 2020

Aqtóbe oblysynda koronavırýs juqtyrǵan áıel qaıtys boldy

137 ret kórsetildi

Aqtóbe oblysy densaýlyq saqtaý basqarmasynyń basshysy Áset Qalıev jergilikti arnadaǵy tikeleı efırde koronavırýs juqtyrǵan áıeldiń jaǵdaıy kúrt nasharlap, reanımasııalyq qutqarý sharasyna qaramastan kóz jumǵanyn habarlady.

«Naýqas ınfeksııalyq aýrýhanada bir táýlik qana em qabyldady. Zerthanalyq tekserý kezinde synamadan vırýs anyqtalǵany ras. Biraq ol buǵan deıin de júrek-qan tamyrlary aýrýymen esepte turǵan edi. Palatada júregi toqtap qaldy. Birden jansaqtaý bólimine jatqyzylyp, dárigerler ómirin saqtap qalýǵa kúsh saldy. О́kinishke qaraı, es jııa almady. Ol koronavırýs ınfeksııasynan kóz jumǵan joq. Degenmen vırýs onyń ólimine áser etti me degen suraqtyń jaýabyn komıssııa sheshiminen soń aıta alamyz. Komıssııa quramynda Densaýlyq saqtaý mınıstrliginiń ókili bar», - dedi Áset Qalıev.

Eske sala keteıik, sońǵy derekter boıynsha Qazaqstanda 7919 adam koronavırýs juqtyrdy. Onyń 4096-sy emdelip, aýrýhanadan shyǵaryldy, 36 adam qaıtys boldy.



Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar