Tehnologııa • 23 Mamyr, 2020

Koronavırýs smartfon naryǵyna qalaı áser etip jatyr?

334 retkórsetildi

Koronavırýs pandemııasy men onyń saldarlary ekonomıkanyń barlyq salasyna salqynyn tıgizip jatyr. Dúnıejúzilik daǵdarystyń aýyly alys emes degen sarapshylardyń pikirlerin oqyp ta, bilip te júrmiz. Álbette, biren-saran onlaın konferensııa qyzmetin usynatyn it-kompanııalar tabystyń astynda qalyp jatqan bolar? Biraq kúlli álem qınalsa, olardyń paıdaǵa shash etekten batqany ne kerek?

Bárimizdiń eleńdep qaraıtyn smartfon naryǵy osy jaǵdaıdy qalaı bastan ótkerip jatyr eken? Osy salada zertteý jumystarymen aınalysatyn Canalys kompanııasy álemdik naryqta bıylǵy birinshi toqsandaǵy smartfon satý 13%-ǵa tómendegenin aıtyp otyr. Sanmen keltirsek, bul 272 mln dana smartfon degen sóz.

12

Áıgili Samsung eń kóp zııan shegip jatyr. Bul kompanııanyń smartfon satý kórsetkishi 17%-ǵa azaıyp, 60 mln danaǵa túsken. Ekinshi oryndaǵy zııan shegýshi qytaılyq Huawei 49 mln shamasynda (17%-ǵa az) gadjet satyp, Google kompanııasynyń sanksııalary men shekteýlerine pysqyrmaı otyr. Bul jerde Qytaıdyń ishki naryǵy úlken septigin tıgizýde. Atyshýly Apple 37 mıllıondyq kórsetkishpen úshinshi orynda. Stıv Djobs izbasarlarynyń satylymǵa shyqqan smartfondar sany 8 paıyzǵa azaıǵan. Kelesi tórtinshi jáne besinshi oryndarda qytaılyq kompanııalar. Alpaýyt Xiaomi 30 mln qurylǵy satyp, onyń sany kerisinshe 9%-ǵa artsa, Vivo kompanııasynyń 24 mln gadjeti satylyp ketken, ári 3 paıyzdyq ósim bar.

5

Canalys kompanııasynyń analıtıgi Bena Stántonnyń pikirinshe bul kórsetkishter daǵdarys jaǵdaıynda álemdik brendter úshin kóńilge qonymdy ekenin aıtýda. Byltyrǵy flagmandar men tanymal smartfondar jaqsy satylýda eken. Bıylǵy jyldyń birinshi toqsanynda IPhone 11, Xiaomi Redmi Note 8T jáne Samsung A51 sııaqty gadjetter óte jaqsy satylǵan. Degenmen de, smartfondy baılyqtyń belgisi retinde satyp alǵysy kelgender ony keıinge qaldyrýǵa májbúr bolǵan eken.

Koronavırýs alǵashynda tek Qytaıda ǵana beleń alǵanda Samsung óz qurylǵylaryn Koreıa men Vetnamda shyǵaryp jol tapty. Biraq keıinirek aýrý keń tarala bastaǵanda satylym azaıǵan. Apple bolsa, IPhone 11 smartfonynyń asa qatty tanymaldylyǵy arqasynda satylym deńgeıi tym kóp túspedi. Bıylǵy IPhone SE serııasy da kompanııanyń strategııalyq turǵydan durys sheshimi bolyp, ónimdi sátti ótkizýde paıdasyn tıgizdi.

9

Huawei túrli sanksııalarǵa qaramastan smartfondy shyǵaryp ta, satyp ta paıdasyn jaqsy tapty. Oǵan qosa Google servısteri bolmasa da R40 flagmanyn shyǵardy.

98

2020 jyldyń alǵashqy toqsanynda karantındik jaǵdaıda buryn oflaın jumys isteıtinder onlaın saýdaǵa kóshti. Mundaı rejımge úırenbegender dúkender úshin bul logıstıkalyq turǵyda qıyndyq týǵyzyp, taýardyń qymbattaýyna áser etken.

Endi ekinshi toqsanda koronavırýstyń sharyqtaý shegi bolýy múmkin bolǵandyqtan joǵarydaǵy kórsetkishter taǵy tómendeýi ábden yqtımal. Biraq keıbir Eýropa elderi birqatar shekteýlerdi alyp tastap, úmit otyn uıalatyp ta otyr.

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar