Qoǵam • 23 Mamyr, 2020

Elordada karantın rejımi jeńildemeıdi

128 ret kórsetildi

Nur-Sultanda karantın rejımi jeńildemeıdi, turǵyndar sanıtarlyq normalardy qatań saqtaýy tıis. Qalanyń perımetri boıynsha blok beketter jumysyn jalǵastyrýda. Qalany patrýldeý, kásiporyndardyń sanıtarlyq normalardy saqtaýy, halyq arasynda túsindirme júrgizýge polıseılerdiń barlyq quramy jumyldyryldy. Dárigerler men volonterler jáne taǵy basqalary kúsheıtilgen rejımde jumys isteýde. Bul týraly elorda ákimdiginiń baspasóz qyzmeti habarlady.

Búgin elorda ákimi Altaı Kólginov koronavırýs ınfeksııasynyń taralýyna qarsy kúres boıynsha jıyn ótkizdi.

«Karantın rejımi jeńildegennen keıin qazir kóshelerde adam kóp. Kún saıyn júrgizilip jatqan reıd qatań sanıtarlyq normalardy saqtaý qajetin kórsetip otyr: sanıtarlyq-epıdemıologııalyq talaptardy buzǵany úshin 26 nysan jabyldy, olar qurylys kompanııalary, dámhanalar men meıramhanalar, qonaqúıler jáne t.b.150-den astam kásiporyn eskertý alyp, keıbirine aıyppul salyndy. Reıd kezinde saıabaqtar men gúlzarlarda adamdar toptanyp, maskasyz júretini anyqtaldy. Osynyń bári ınfeksııanyń tez taralýyna ákelýi múmkin. Dárigerlerge vırýsty der kezinde anyqtap, indet oshaǵyn joıý qıyn bolady. Osyǵan oraı polıseıler kúsheıtilgen rejımde jumys istep, halyqqa túsindirmeni kúsheıtip, qyzmeti ruqsat etilgen kompanııalar jumysyna kúndetikti monıtorıng júrgizýi tıis. Sanıtarlyq normalardy buzǵan nysandar jabylady. Vırýs juqtyrý qaýpi áli bar, sondyqtan bosańsýǵa bolmaıdy», - dedi Altaı Kólginov.

Qala ákimi árkim óziniń jáne jaqyndarynyń densaýlyǵy úshin áleýmettik jaýapkershilik tanytý keregin aıtty. О́kinishke qaraı, aýyrǵandardyń 40%-y 18 ben 30 jas arasyndaǵy jastar, 36%-y 30 dan 50-ge deıigi adamdar.

Koronavırýsqa ádettegi tumaý dep qaramaý kerek. Bul aýrý sanaýly kúnniń ishinde myqty ári buryn sozylmaly aýrýlary bolmaǵan adamnyń densaýlyǵyn qurta alady. Tek ózin-ózi oqshaýlaý men sanıtarlyq talaptardy udaıy saqtaý ǵana – burynǵy qalypty ómirimizge tez jetkizetin jáne eń durys jol.


Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar