Qoǵam • 23 Mamyr, 2020

Nur-Sultan qalasynyń bas ımamy Oraza aıtty úı̆de qarsy alýǵa shaqyrdy

38 ret kórsetildi

Nur-Sultan qalasynyń bas ımamy QMBD málimdemesine sáı̆kes, Oraza aı̆t merekesin karantın jaǵdaı̆ynda barynsha saqtyq sharalaryn saqtap, úı̆de qarsy alýǵa shaqyrdy. Bul týraly elorda ákimdiginiń baspasóz qyzmeti habarlady.

«Qadirmendi elordalyqtar, Alla Taǵala barshamyzdyń Ramazan aı̆ynda ustaǵan orazamyzdy qabyl etsin. Qazaqstan musylmandar dinı basqarmasynyń málimdeýinshe, bıylǵy Aı̆t meı̆ramy mamyrdyń 24-ne sáı̆kes kelip tur. Biraq ókinishke qaraı̆, el karantın jaǵdaı̆ynda bolǵandyqtan keńinen atap óte almaı̆myz. Árbir musylman indettiń órship ketý qaýpi bolǵandyqtan saqtyq sharalaryna jiti mán berý qajet. Barynsha otbasymyzben, úı̆de birge ótkizgenimiz durys bolady.

Aı̆tta týǵan-týystarymyzdy, jaqyndarymyzdy quttyqtaý, musylmannyń mindeti. QMBD málimdemesine túsinistik tanytyp, úı̆de bolýlaryńyzdy suraı̆myz. Aı̆t namazyn oqı almaǵan adam, onyń ornyna «Ýad-dýhaa» namazyn oqıdy. Alla Ramazan aı̆ynda jasalǵan izgi amaldarymyzdy, ustaǵan orazalarymyzdy qabyl etkeı̆. Elimizdiń tuǵyryn bıik qylǵaı̆», – dedi elordanyń bas ımamy óz quttyqtaýynda.


Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar