Qoǵam • 23 Mamyr, 2020

Elordada jumysyn qaıta bastaǵan saýda ortalyqtarynda maskalar taratyldy

31 ret kórsetildi

Bul týraly elorda ákimdiginiń baspasóz qyzmeti habarlady.

Búgin táptip saqshylary «Tulpar», «Astanalyq» saýda úıleri men sýpermarketterdiń aýmaǵynda bolyp, túsindirý jumystaryn júrgizdi. Qoǵamdyq oryndarda maskasyz júrgen azamattarmen profılaktıkalyq áńgimeden soń, polıseıler olarǵa maska berdi. Kelýshiler jeke qorǵanysh zattaryn bergen polısııa qyzmetkerlerine alǵys bildirdi.

«Karantın rejımi áli saqtalýda. Azamattarǵa jeke qaýipsizdik sharalary týraly túsindirip, uqypty bolyp dúkenderde araqashyqtyq saqtaýǵa shaqyrýdamyz. Búgin eskertý jumysyn júrgizdik.  Alaıda saýda úıleri karantın talaptaryn saqtamasa, olardy QR ÁQBK 462- baby boıynsha ákimshilik jaýapkershilikke tartyp, tipti karantın rejımin buzǵan nysandy jabý týraly ótinish joldaımyz», - dedi Nur-Sultannyń Polısııa departamentiniń jergilikti polısııa qyzmetiniń basshysy Gosman Jakın.

Polıseıler turǵyndardy úıden tek asa qajettilik bolǵan jaǵdaıǵa ǵana shyǵýǵa shaqyrady. Bul profılaktıkalyq sharalar azamattardyń qaýipsizdigi úshin jasalady.

«Biz taǵy da elorda turǵyndary men qonaqtaryna  araqashyqtyqty saqtap, qolǵap, sanıtaızerlerdi paıdalaný qajettigin eske salamyz», - dedi Jakın.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar