Qoǵam • 23 Mamyr, 2020

Elordada turǵyn úı kesheniniń qurylysy qaıta jandandy

17 ret kórsetildi

Elordadaǵy eń problemalyq qurylystardyń biri qaıta jandandy. Qurylys jumystary «Shyǵys» tobynyń turǵyn úı kesheniniń 2A, 2V, 3A, 3V nysandarynda bastaldy.

Elorda ákimi Altaı Kólginov qurylys barysymen tanysty. Osy bloktardaǵy úleskerlerdiń sany myńnan asady. Aldanǵan jyljymaıtyn múlik ınvestorlary ózderiniń páterlerin 2011 jyldan beri kútýde. Jınalysta «Shyǵys» turǵyn úı kesheniniń 1A jáne 1V bloktarynyń úleskerleri óz ýchaskelerinde qurylys jumystaryn bastaýdy surady. «Shyǵys» turǵyn úı kesheni – uzaq ýaqytqa sozylǵan kúrdeli máseleniń biri. 1a jáne 1S toptarynyń úleskerleri arasynda bóliný bar. Sizderge bir turǵyn úı qurylysy kooperatıvine birigý kerek. Ymyraǵa kelý kerek. Alaıaqtarǵa emes, tek memleketke senińiz. Bul máseleni sheshemiz. El basshylyǵy bizge úleskerlerdiń úılerin aıaqtaýdy tapsyrdy. Úkimet qoldaý kórsetip jatyr. Bul baǵytta ákimdik kóptegen mańyzdy jumystar atqarýda», – dedi elorda ákimi Altaı Kólginov. Joǵaryda atalǵan bloktar «Nurly jer» memlekettik baǵdarlamasy aıasynda «Elorda Qurylys» kompanııasynyń qatysýymen aıaqtalady. 2019 jyly qalanyń 10 uzaq merzimdi qurylys jobasy aıaqtalyp, paıdalanýǵa berildi – 2,5 myń úlesker jyldar boıy kútken páterlerin aldy. 2020 jyly uzaq merzimdi qurylys jobalary eki ese kóp – 20 turǵyn úı kesheni. Bul 8 myń úleskerdiń máselesin sheshýge múmkindik beredi. Ár nysannyń kezeń-kezeńimen jospary bar.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar