Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Oraza aıt merekesimen quttyqtaýy
Qurmetti otandastar!
Barshańyzdy musylmandardyń qasıetti Oraza aıt merekesimen quttyqtaımyn!
Ramazan aıynyń aıaqtalǵanyn bildiretin bul meıram ıslamnyń eń basty rýhanı qundylyqtary – jaqsylyqty, keń peıildilik pen meıirimdilikti dáripteıdi.
Islam bárimizdi beıbitshilikke, birlik pen turaqtylyqqa shaqyrady. Bul qundylyqtar musylman úmbetimen birge barlyq din ókiline jaqyn. Sondyqtan bizdiń elimizde Oraza aıt dinı senimine qaramastan kúlli qazaqstandyqty biriktire túsedi.
Osy dástúrlerdi odan ári nyǵaıtý, adamgershilik qundylyqtardy baǵalaı bilý mańyzdy. Bul – Qazaqstannyń turaqty jáne senimdi damýynyń negizi.
Mereke kúnderi jaqsy ister jasalyp, jaqyn adamdarǵa qamqorlyq, muqtaj jandarǵa qoldaý kórsetiledi. Meıram qoǵamdaǵy ózara túsinistik pen kelisimdi nyǵaıtýǵa septigin tıgizedi.
Osynaý qasterli kún sekildi bizdiń ómirimiz de ıgi isterge, izgi oılar men meıirimdilikke toly bolsyn.
Barsha qazaqstandyqqa rýhanı kúsh-qýat, zor densaýlyq jáne baq-bereke tileımin!
Oraza aıt qabyl bolsyn!
