Aımaqtar • 24 Mamyr, 2020

Premer-Mınıstr Jetisýdaǵy jobalarǵa baǵa berdi

35 retkórsetildi

Premer-Mınıstr Asqar Mamın Almaty oblysyna jumys saparymen keldi. Úkimet basshysy Jetisýda júzege asyp jatqan mańyzdy jobalardyń jaı-kúıin zerdelep, óńirdegi qurylys nysandary men aýyl sharýashylyq óndirisiniń jumysymen tanysty.

Osydan 10 jyl buryn apatqa ushyraǵan Qyzylaǵash sý qoımasyn qalpyna keltirý jumysy bıyl aıaqtalyp, qoldanysqa beriledi. Qazir Aqsý aýdany aýmaǵyndaǵy nysannyń negizgi qurylys aıaqtalýǵa jaqyn. Qyzylǵash sý qoımasynyń iske qosylýy aımaqtaǵy sýarmaly egis alqaptarynyń kólemin kóbeıtýga múmkindik bermek. Sý qoımasy tolqy iske qosylǵannan keıin Bir ǵana Aqsý aýdanyndaǵy sýarmaly egistik alqaby birden 7 000 gektarǵa artady eken. Al taýdaǵy tospanyń sıymdylyǵy 42 mln tekshe metr shamasynda. Jumys sapary aıasynda Premer – Mınıstr Asqan Mamın Aqsý aýdanyna arnaıy baryp, Qyzylaǵash sý qoımasynyń qurylysyn kózben kórdi. Qurylys nysanyndaǵy jumys 90 paıyzǵa oryndalǵan. Tospa qurylysynń sapasyna nazar aýdarǵan Úkimetbasy qaýipsizdik talaptarynyń qatań saqtalýyna mán berýdi aıtty. Sondaı-aq, óńirdegi sýarmaly jerdi tıimdi ıgerip otyrǵan Jetisý sharýalarynyń eńbegine sáttilik tilegen Asqar Mamın agrosektordyń damýyna qajetti memlekettik qoldaýdyń irkilissiz júrip jatqanyn aıtty. Onyń nátıjesi Almaty oblysynda naqty ispen kórinis tabýda. Búginde óńirde 356 gıdrotehnıkalyq qurylǵy jumys istep tur. Jalpy ırrıgasııalyq jeliniń uzyndyǵy 16,6 myń shaqyrymǵa jetedi. Nátıjesinde, aımaqtaǵy egistik alqaptaryn sýsyz qalǵan emes. Onyń ústine kanaldardy, toǵandar men gıdrotoraptardy jóndeý jáne rekonstrýksııalaý jumysy kún tártibinde tur. Esesine, egis alqaptarynyń kólemi jyl saıyn artyp keledi. Is osy qarqynmen jalǵassa, 2028 jylǵa qaraı Jetisýda 137,8 myń gektar sýarmaly jerdi aınalymǵa engizý múmkin bolmaq. Bıyldyń ózinde sý sharýashylyǵy nysandaryn damytýǵa oblystyq bıýdjetten 2,1 mlrd teńge bólinip, onyń 1,4 mlrd teńgesi 9 nysandy kúrdeli jóndeýge jumsalýda. Oblysta Islam damý bankiniń qarajaty esebinen de sýarý jelilerin rekonstrýksııalaý jumystary Eskeldi, Aqsý, Alakól jáne Kóksý aýdandarynda júrip jatyr.

Almaty oblysynyń elimizdiń agroónerkásip keshenindegi alatyn orny mańyzdy ekenin atap aıtý kerek. Jumysty júıeli uıymdastyrý men memlekettik qoldaý oblystyń aýyl sharýashylyǵy salasynyń qarqyndy damýyna ulasyp otyr. Buǵan osy saparynda Premer-Mınıstr Balqash, Eskeldi jáne Talǵar aýdandarynyń jetekshi sharýa qojalyqtarynyń tájirıbelik demonstrasııalyq alańdaryn, taýarly sút fermalaryn jáne materıaldyqtehnıkalyq bazasyn aralaǵa nkezinde kóz jetkize tústi. Aýdandaǵy sharýashylyqtarda bolǵa nkezinde Asqan Mamınge ósimdik sharýashylyǵy, mal sharýashylyǵy jáne veterınarııa salalaryndaǵy otandyq ǵylymı-zertteý ınstıtýttarynyń ázirlemeleri, qarqyndy eginshilik, asyl tuqymdy jylqy sharýashylyǵy, et pen sút óndirisin keńeıtý, sondaı-aq aýyl sharýashylyǵy ónimderin tereń óńdeýdi damytý jobalary tanystyryldy. Jalpy, bıyl Almaty oblysynyń agroónerkásip kesheninde 42 ınvestısııalyq joba júzege asyrylmaq. О́tken tórt aıdyń qorytyndysy boıynsha aýyl sharýashylyǵyndaǵy jalpy ónim kólemi 2,3 paıyzǵa, azyq-túlik ónimderin óndirý kólemi 14,2 paıyzǵa ósip otyr. Sondaı-aq, byltyrǵy jyldyń esepti kezeńimen salystyrǵan oblys ónerkásibindegi daıyn ónim eksporty 27,6 paıyzǵa kóbeıgen.

Jetisý jerindegi qurylys jumysynyń báseńdemegine biraz jyl boldy. Ásirese, turǵyn úı qurylysy qarqyndy. О́tken jyly  óńirde 894,1 myń sharshy metr baspana paıdalanýǵa berilgen. Onyń ishinde 685 áleýmettik úı salynyp, az qamtylǵan áletter men kóp balaly otbasylar qonys toıyn toılady. Jalpy, qazirgi sátte turǵyn úı  kezeginde 50,6 000 adam tizimdeýli tur. Bul baǵyttaǵy jumys jalǵasýda. Osy maqsatta bıyl 40,8 mlrd teńge ıgerilip, baspana qurylysy serpinmen damıdy. Onyń ishinde «Nurly jer» baǵdarlamasy aıasynda 938,8 myń sharshy turǵyn úı salý josparlanǵan. Nátıje bar, mysalǵa jyl basynan beri 266,9 myń sharshy metr baspana paıdalanýǵa berildi. Premer-Mınıstr Asqar Mamınniń Almaty oblysyna jasaǵan jumys sapary barysynda kózben kórip, kóńil toǵaıtqanmen sharýanyń bir osy qurylys jaıy bolsa kerek. Úkimetbasy Taldyqorǵan qalasyndaǵy turǵyn úı ınfraqurylymynyń damýyna, óńirdi gazdandyrý jumysynyń barysyna, sondaı-aq «Nurly jol», «Jumyspen qamtýdyń jol kartasy-2020» baǵdarlamalarynyń iske asýyna joǵary baǵa berdi.

Aıtpaqshy, Almaty oblysynda j COVID-19 ınfeksııasyn jedel anyqtaıtyn jetinshi zerthana iske qosylmaq. Úkimet músheleriniń aımaqqa sapary aıasynda vıse-premer Eraly Toǵjanov Taldyqorǵandaǵy ortalyqtandyrylǵan medısınalyq zerthanany aralap, kórdi. Qurylysy aıaqtalǵan ǵımaratty maýsym aıynda ashý josparlanǵan. Medısınalyq mekeme oblystaǵy jetinshi zerthana, sondyqtan № 7 zerthana retinde jumysqa kirisetin bolady. Jalpy, óńirde jumys istep turǵan alty zerthanada táýlik saıyn 2,5 myń adamǵa COVID-19 ınfeksııasyn anyqtaýǵa baılanysty qyzmet kórsetýgke qaýqarly. Al qazirge deıin oblystyń 38 myńnan astam turǵyny synama tapsyrǵan eken.

Sońǵy jańalyqtar

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar