Ekonomıka • 24 Mamyr, 2020

Tımýr Qulybaev: Jumys oryndaryn saqtap qalýǵa daıyn kásiporyndardy qoldaý kerek

332 ret kórsetildi

Ulttyq kásipkerler palatasynyń tóralqa Tóraǵasy Tımýr Qulybaev bıznes ókilderimen onlaın kezdesý ótkizdi. Jıyn bıznestiń qazirgi máselelerin talqylaý jáne karantınnen keıingi kezeńde túsetin aýyrtpalyq deńgeıin anyqtaý maqsatynda uıymdastyryldy. Bul týraly UKP baspasóz qyzmeti habarlady.

Kún tártibinde kóterilgen máselelerdiń biri kásiporyndarda jumyspen qamtý máselesi boldy. Tótenshe jaǵdaı kezeńinde jumys berýshiler jumyskerlerdi eńbekaqysyz demalysqa jibergeni málim. Demek, karantınnen keıingi kezeńde el aýqymynda jumyssyzdyq paıyzynyń artý yqtımaldyǵy joǵary. Mundaı jaǵdaı búkil álemde oryn alǵan.

Pandemııanyń saldarynan elimizde týrızm, qonaqúı bıznesi, qoǵamdyq tamaqtaný, óńdeý ónerkásibi, bólshek saýda, kommersııalyq jáne ákimshilik qyzmet qıyn kezeńdi ótkerýde.

– Shaǵyn jáne mıkro kásiporyndardy qoldaýdyń quraly – qarajat aınalamyn tolyqtyrýǵa, birinshi kezekte eńbekaqyny tóleýge beriletin nesıeler. Bul jeńildikpen beriletin nesıeler bolady, biz birinshi kezekte karantınge deıingi jumys oryndar sanyn saqtaýǵa daıyn kásiporyndarǵa qoldaý kórsetý boıynsha usynystar engizemiz, – dedi Tımýr Qulybaev.

Bızneske qoldaý kórsetýde «Atameken» UKP birqatar sharalardy qolǵa aldy. Pandemııa saldarynan bızneske túsken aýyrtpalyqty anyqtaý maqsatynda UKP kásipkerler arasynda saýaldamalar júrgizdi, palataǵa kelip túsken ótinimder saralandy.

Tótenshe jaǵdaı kezeńinde barlyq kózder (áleýmettik jeliler, koll-ortalyq, jazbasha ótinimder) boıynsha 44 586 ótinim kelip tústi. Karantın kezeńinde UKP koll-ortalyǵyna (12 naýryzdan 6 sáýirge deıin) 10 577 ótinim tústi. Sonyń ishinde 43%-y karantın ýaqytynda júrip-turýdy shekteýge qatysty boldy. Bızneske júrgizilgen saýaldamaǵa qatysqan kásipkerlerdiń 60%-y kelisimsharttyq mindettemelerin buzýǵa májbúr bolǵan, 54%-y jumyskerlerdi merzimsiz demalysqa jibergen, 20%-y qyzmetkerlerdi qysqartýǵa májbúr bolǵan.

Osyndaı jaǵdaıda bıznestiń qarjylyq jaǵdaıyna keri áser etken jaıttar bar. Saýaldamaǵa qatysqandardyń 60%-y jalǵa alý qunyn tóleýde qıyndyq kórgen, 22%-y – eńbekaqy tóleý, 5%-y kommýnaldyq qyzmetterdi tóleýde qıyndyqqa tap bolǵan.

Tótenshe jaǵdaı jarııalanǵannan beri Ulttyq palata júrgizgen jedel saýaldamalar men saraptamalar arqyly bıznestiń aǵymdaǵy ahýalyna ýaqtyly taldaý júrgizildi, sáıkesinshe Úkimet deńgeıinde usynystar aıtylyp, tıisti sharalar qolǵa alyndy. Kásipkerlerdiń kelisimsharttyq mindettemelerin oryndaı almaýy sebepti UKP enshiles uıymy – Qazaqstannyń Syrtqy saýda palatasy fors-majordy taný jóninde anyqtamalardy berdi. Ekinshi deńgeıli bankter tarapynan nesıeler boıynsha 90 kúnge deıin keıinge shegerim berildi, aıyppuldar pen ósimaqy alynyp tastaldy. Salyqtar boıynsha jeńildikter jasaldy. О́ńirlik palatalardyń mamandary ár ótinim boıynsha jalǵa berýshilermen jekeleı jumys istep, birqatar jeńildikke qol jetkizdi.

Ortalyq apparat deńgeıinde Palataǵa suraq qoıyp, jaýap tabýǵa bolatyn bólim ashyldy.

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar