Qazaqstan • 24 Mamyr, 2020

Qazaqstanda koronavırýsqa qatysty shekteý sharalary kúsheıdi

1354 ret kórsetildi

Bas memlekettik sanıtarlyq dáriger Aıjan Esmaǵambetova Qazaqstan halqy arasynda koronavırýs ınfeksııasynyń aldyn alý jónindegi sharalardy odan ári kúsheıtý týraly qaýly qabyldady. Bul týraly Taýarlar men kórsetiletin qyzmetterdiń sapasy men qaýipsizdigin baqylaý komıtetiniń baspasóz qyzmeti habarlady.

Qazaqstannyń úkimettik delegasııalaryn, Qazaqstan Respýblıkasy Syrtqy ister mınıstrliginiń shaqyrýy boıynsha elimizge keletin shet memleketterdiń jáne halyqaralyq uıymdardyń resmı delegasııalarynyń múshelerin, Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerlerin jáne olardyń otbasy múshelerin, avıakompanııalar ekıpajdaryn jáne lokomotıv brıgadalarynyń múshelerin qospaǵanda, Qazaqstanǵa shetelden keletin barlyq adamdardy, sondaı-aq EAEO elderinen jáne О́zbekstan Respýblıkasynan Qazaqstan Respýblıkasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly keletin adamdardy 2 táýlikke deıin COVID-19-ǵa zerthanalyq tekserý júrgizý úshin karantındik stasıonarda oqshaýlaýlanady.

COVID-19 aýrýyn joqqa shyǵarmaıtyn belgileri bar adamdar karantındik stasıonarǵa emes, provızorlyq stasıonarǵa emdeýge jatqyzylady.

Qazaqstan Respýblıkasynyń Memlekettik shekarasyn kesip ótýdiń 5 kúninen keshiktirilmeı berilgen PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama bergen, avıareıspen shet elden kelgen adamdar úıde (úı karantın) 14 táýlik boıy oqshaýlanady. Úıde oqshaýlaý úshin jaǵdaı bolmaǵan jaǵdaıda karantındik stasıonarda oqshaýlaý usynylady. Bul rette bul adamdar COVID-19-ǵa zerthanalyq tekserý júrgizý úshin 2 táýlikke deıin karantındik stasıonarda oqshaýlanbaıdy.

COVID-19-ǵa zerthanalyq tekserý nátıjelerin alǵannan keıin oń nátıjeli adamdar emdeý úshin ınfeksııalyq stasıonarǵa aýystyrylady, COVID-19-ǵa teris nátıjeli adamdar 12 táýlik boıy úıde (úı karantıni) oqshaýlanady. Úıde oqshaýlaý úshin jaǵdaı bolmaǵan kezde jergilikti atqarýshy organdar aıqyndaǵan úı-jaılarda oqshaýlaý usynylady; 

Qazaqstanǵa shetelden kelgen Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerleri jáne olardyń otbasy músheleri COVID-19-ǵa zerthanalyq tekserýge jáne 14 táýlik boıy úıde ózin-ózi oqshaýlaýǵa (úı karantıni) jatady.

Avıakompanııalardyń ekıpajdary, lokomotıv brıgadalarynyń músheleri qońyraý shalý arqyly (múmkindiginshe beıneqońyraý shalý) turǵylyqty (kelgen) jeri boıynsha medısınalyq baqylaýǵa jatady.

EAEO elderinen jáne О́zbekstan Respýblıkasynan Qazaqstan Respýblıkasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdar COVID-19-ǵa zerthanalyq tekserýge jáne 12 táýlik boıy úıde ózin-ózi oqshaýlaýǵa (úı karantıni) jatady.

Temirjol, teńiz kóligindegi tasymaldaý qyzmetimen baılanysty adamdar jáne júkterdi avtomobılmen halyqaralyq tasymaldaýdy júzege asyratyn júrgizýshiler, sondaı-aq tranzıttik júrgizýshiler shekarany kesip ótken oryndarynda COVID-19-ǵa zerthanalyq tekserýge jatqyzylady.

Vahtalyq ádispen jumys isteıtin, «Teńizshevroıl» JShS obektilerinen demobılızasııalanǵan adamdar COVID-19-ǵa zerthanalyq tekserý júrgizý úshin kelgen orny boıynsha karantındik stasıonarda 2 táýlikke deıin oqshaýlaýǵa jatady, oń nátıjeli adamdar emdeý úshin ınfeksııalyq stasıonarǵa aýystyrylady, COVID-19-ǵa teris nátıjeli adamdar 12 táýlik boıy úıde (úı karantıni) oqshaýlanady. Úıde oqshaýlaý úshin jaǵdaı bolmaǵan kezde jergilikti atqarýshy organdar aıqyndaǵan úı-jaılarda oqshaýlaý usynylady.

Tıisti aýmaqtyń, kóliktegi Bas memlekettik sanıtarııalyq dárigeri óńirdegi jáne álemdegi qalyptasqan epıdemıologııalyq jaǵdaıdy eskere otyryp, shet elderden kelgen jolaýshylardy karantındeý týraly sheshim qabyldaýǵa quqyly.

Qaýlynyń tolyq mátini komıtettiń saıtynda jarııalanǵan.

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar