Aımaqtar • 24 Mamyr, 2020

Shyǵys Qazaqstan: Altaıǵa Abaı keldi

86 ret kórsetildi

Qazirdiń ózinde qala turǵyndary Abaı atamyzdyń beınesi men Altaı qalasynyń jazý bederlengen aýmaqqa aıryqsha qyzyǵýshylyq tanytyp, sýretke túsip jatqan kórinedi.  

Osydan eki jyl buryn Altaı ataýyn ıelengen shaǵyn shahar jyldan jylǵa kórkeıip keledi. Qazir qalada abattandyrý, kógaldandyrý jumystary qarqyn alǵan. Jaqynda Altaı qalasyndaǵy kóp qabatty úılerdiń biriniń qabyrǵasyna Abaı Qunanbaıulynyń beınesi salyndy. Týyndy avtorlary – katonqaraǵaılyq sýretshiler Amangeldi Isabekov pen Qýanysh Ádilbek.

a

«Meniń bastamam boıynsha Altaı qalasyndaǵy turǵyn úıdiń syrtqy qabyrǵasyna álemge áıgili qazaq aqyny jáne aǵartýshysynyń strıt-art stılindegi sýreti beınelendi. Bul óner týyndysy aqynǵa aıryqsha qurmet hám syılastyq belgisi retinde Abaıdyń 175 jyldyǵyna oraı alǵash ret aýdan turǵyndarynyń nazaryna usynylyp otyr» deıdi Altaı aýdanynyń ákimi Qalıhan Baıǵonysov.

Sonymen qatar «Jumyspen qamtýdyń jol kartasy» baǵdarlamasy aıasynda Altaı qalasyndaǵy Qaıypov pen Gorkıı kósheleriniń qıylysyna shahardyń aty jazylǵan konstrýksııa ornatylypty. Aýdan ákiminiń bastamasymen aýdan ortalyǵyna alǵash ret qoıylǵan konstrýksııa mańy abattandyrylyp, kógaldandyrylyp, oıý-órnek beınesinde shamdar qoıylyp, jaıaý júrginshiler joly salynypty. Qazirdiń ózinde qala turǵyndary Abaı atamyzdyń beınesi men Altaı qalasynyń jazý bederlengen aýmaqqa aıryqsha qyzyǵýshylyq tanytyp, sýretke túsip jatqan kórinedi.  

 Shyǵys Qazaqstan oblysy,

Altaı qalasy

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar