Aımaqtar • 24 Mamyr, 2020

Qyzylorda: Dıqandardy qoldaýdyń qaıtarymy kóp

49 ret kórsetildi

Memlekettiń aýylsharýashylyǵy salasyn qoldaýy arqasynda sharýalardyń kóp máselesi sheshimin taýyp, tabysy jyldan-jylǵa artyp keledi.  Mysaly, «QazAgro» Ulttyq basqarýshy holdınginiń «QazAgroQarjy» AQ-nyń dıqandardy qarjylaı demeýi salada túrli bastamalardyń júzege asýyna negiz boldy. Jýyrda qurylym qoldaýyn sezingen nysannyń biri Qyzylordadaǵy  «Kaz Agro Mir» JShS jylyjaıyna BAQ ókilderiniń baspasóz týry uıymdastyryldy. 

Jalpy alańy 2 gektar bolatyn jylyjaı keshenin qarjylandyrýǵa bıyl 750 mln teńge jumsalǵan. Nysanda turaqty jumys isteıtin 40 adam táýligine 5-6 tonna kókónis jınaıdy. Al jınalǵan ónimder qala mańynda ornalasqan saýda dúkenderiniń sórelerinde tómen baǵamen satylýda. 

«KazAgroMir» jylyjaıynyń agronomy Aqylbek Teleýovtiń aıtýynsha, qııarǵa arttyq nıtrattar berilmeıdi eken.

Maýsym aıynyń aıaǵynda pisken ónimderdi jınap, ornyn tazalap, dezınfeksııalap, sosyn kelesi kezeńge kóshemiz. Al aldaǵy ýaqytta, qyzanaq, qııar, salat japyraǵynyń gıbrıdterin, basqa kókónis túrlerin tańdap, taldaý jasap, kúzge qaraı daıyndaımyz, - deıdi agronom Aqylbek Teleýov.

«QazAgroQarjy» Syr dıqandarynyń aýylsharýashylyǵy tehnıkalary men jabdyqtaryn satyp alýyna da qolushyn berip keledi. Aımaqtyń  aýylsharýashylyǵyna ınvestısııalanǵan 41 mlrd teńgeniń 34 mlrdy agrotehnıkalar bazasyn jańartýǵa baǵyttalǵan. Qyzylordalyq sharýalar búginde jer jyrtyp, egin egýde Aksıon, Doıs traktorlaryn, Djon Dır, Klass, Keıs, Torým kombaındaryn, Mak Don destelegishterin paıdalanady.

«QazAgroQarjy» sııaqty ınstıtýttyń tikeleı yqpalymen aımaqta mal soıý sehy, taýarly-sút fermasy, mal bordaqylaý alańy, jylyjaı sekildi jalpy quny 7 mlrd teńgege 15 ınvestjoba júzege asyryldy. Memlekettik qoldaýdyń arqasynda aımaqtyń aýyl sharýashylyǵynda sońǵy jyldary kúrish shyǵymdylyǵy 1,8-2 esege deıin artty.     

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar