Bólingen qarajattyń maqsatty paıdalanylýyn jáne Maqtaaral aýdanynda zaqymdanǵan nysandardy qalpyna keltirýdi «Túrkistan» áleýmettik damý qory qamtamasyz etpek. Qazirgi ýaqytta «Samuryq-Qazyna» qory, Túrkistan oblysynyń ákimdigi jáne «Túrkistan» áleýmettik damý qory arasynda kelisimge qol qoıý máselesi pysyqtalýda.
Aıta keteıik, buǵan deıin «Samuryq-Qazyna» AQ 2019 jyly oq-dári jarylysynan zardap shekken Túrkistan oblysynyń Arys qalasyn qalpyna keltirýge jáne qurylys jumystaryna 7 mlrd teńge baǵyttady. Sonyń nátıjesinde 68 nysan qalpyna keltirilgen. Onyń ishinde 64 nysan jóndelse, 4-eýi qaıtadan salyndy.
Eske sala ketsek, 1 mamyr kúni qatty jańbyr men daýyldan О́zbekstandaǵy Sardoba sý qoımasynyń bógeti jarylyp, Túrkistan oblysy Maqtaaral aýdanynyń shekara mańyndaǵy kollektorlaryna sý tolyp, birneshe eldi mekendi sý basty. Osyǵan baılanysty Túrkistan oblysy Maqtaaral aýdanynda tótenshe jaǵdaı jarııalanǵan-dy.
