22 jastaǵy Naomı Japonııanyń Osaka qalasynda týǵanymen, úsh jasynda ata-anasymen AQSh-qa qonys aýdarǵan. 2012 jyldan bastap úlken sportqa qadam basqan japon qyzy búginge deıin WTA sanatyndaǵy 5 iri tennıs týrnırinde top jarǵan. Onyń eń iri jetistikteriniń qatarynda «Úlken dýlyǵa» dodasynyń eki birdeı bas júldesi bar. 2018 jyly AQSh ashyq chempıonatynda jeńimpaz atanǵan Osaka araǵa jyl salyp, Aýstralııa birinshiliginde qarsylas shaq keltirmeı, tuǵyrdyń bıik satysynan kórindi.
Buǵan deıin álemdegi tabysty áıel sportshylardyń kóshin amerıkalyq tennısshi Serena Ýılıams bastap turǵan edi. Bıyl AQSh sportshysy Osakadan 1,4 mln dollar az qarjy jınap, ekinshi orynǵa túsip qaldy. Osaka 2019 jyldyń 28 qańtarynda Azııa sportshylary arasynda álemdik reıtıngte kósh bastaǵan eń birinshi sportshy atandy. Ol bul ataǵyn 25 apta saqtap turdy. Qazirgi tańda Naomı WTA reıtınginde úshinshi orynǵa jaıǵasqan.
