Úkimet • 25 Mamyr, 2020

Úkimet delegasııasy Qaraǵandyǵa bardy

71 ret kórsetildi

Premer-Mınıstrdiń orynbasary Eraly Toǵjanov bastaǵan úkimet delegasııasy jumys saparymen Jezqazǵan qalasyna jáne Ulytaý aýdanyna bardy.

Sapar kezinde E.Toǵjanovpen birge delegasııa quramynda Máde­nıet jáne sport mınıstri Aqtoty Ra­ıym­­qulova, Bilim jáne ǵylym vıse-­mınıstri Mıras Dáýlenov, Qara­ǵandy oblysynyń ákimi Je­ńis Qasymbek jáne «Nazarbaev zııat­ker­lik mektepteri» AQ basqarma tór­aı­y­my Kúlásh Shamshıdınova  boldy. 

Qazirgi ýaqytta Qaraǵandy obly­­syn­da «Jumyspen qamtýdyń jol kar­tasy» boıynsha jalpy so­masy 3,9 mlrd teńgege 36 áleýmet­tik jáne má­denı-tarıhı jobasy júzege asyrylýda. 2020 jylǵy 1 mamyrdaǵy jaǵdaı boıynsha óńir­degi áleýmettik jumys oryndary­na 472 adam jiberildi. Onyń  ishinde 113 adam jastar praktıkasyna, 2 694 adam qoǵamdyq qyzmetke tar­tylǵan. Jumyssyzdyq deńgeıi 4,4 paıyzdy  quraıdy (2020 jyldyń 1 toqsany boıynsha), ózin ózi ju­mys­pen qamtyǵandardyń sany – 56,1 myń adam.

Sapar kezinde Premer-Mın­ıstr­­diń orynbasary Altyn Orda­nyń negizin salǵan Joshy han ta­rıhı-mádenı ortalyǵynyń qury­lys barysymen tanysty. «Ju­mys­pen qamtýdyń jol kartasy» baǵdarlamasy aıasynda Joshy han kesenesin restav­ra­sııalaýǵa já­ne tarıhıa-mádenı orta­lyq­tyń ınfra­qurylymyn qurýǵa respýb­lı­kalyq bıýdjetten 800 mln teńge bólin­gen bolatyn. Joba­da jumys istep jatqan  barlyq jumys­shylar «Eń­bek» baǵdarlamasy boıyn­sha tar­tylǵan. Tarıhı-mádenı keshendi osy jyl­dyń tamyz aıynda paıdalanýǵa berý josparlanyp otyrǵanyn aıta keteıik.

«Jumyspen qamtýdyń jol kar­­tasy» baǵdarlamasy boıynsha áleý­­mettik jobalardyń júzege asy­ry­­lýy­men tanysqan E.Toǵjanov Jez­qaz­ǵan turǵyndarynyń turǵyn úı já­ne áleýmettik-turmystyq máse­le­­leriniń qalaı sheshilip jatqa­ny­na erekshe nazar aýdardy. 2020 jylǵa deıin júrgizilgen tehnıkalyq zert­teýge sáıkes 26 kóppáterli tur­ǵyn úı apattyq jaǵdaıda dep ta­nylǵan, onyń 9-y kúrdeli jóndeýdi qajet etedi, 17-si buzylýy tıis. E.Toǵ­ja­nov ákimdik 17 apattyq úı­diń tur­ǵyndaryn úsh jylda bas­qa jer­ge kóshirý baǵdarlamasyn jasa­ǵa­nyn aıtty.

О́ńirde ótkir turǵan máseleniń biri – halyqty sýmen qamtamasyz etý. E.Toǵjanov Jezqazǵan men Sát­baev qalalaryn sýmen qamtý máse­lesin sheshýi tıis Esqula sý qu­byrynyń qu­rylysyna kóńil bóldi.

– Sýǵa baılanysty ótken jyly úlken másele bolǵanyn bilemiz. Jer­­gilikti halyq 11 kún sýsyz otyr­dy. Ondaı másele bolashaqta qaıta­lanbaýy kerek. Oblys ákimimen bul týraly áńgimelestik, sheshý joly anyqtaldy. Oblys basshylyǵy sýmen jabdyqtaý máselesin túbegeıli sheshýge ýáde berip otyr, – dedi Pre­mer-Mınıstrdiń orynbasary.

Búgingi tańda Sátbaev qalasy aýyz sýmen jańa sý jabdyqtaý júıesi arqyly qamtamasyz etilip otyr. 2019 jyly «Qazaqmys korporasııasy» JShS-niń bas jobalaý ınstıtýty Jezqazǵanda Esqula sý taratqyshyn qaıta qalpyna keltirý jobasyn jasady. Vıse-premer turǵyndardyń áleýmettik máselesin she­shý Úkimettiń baqylaýynda eke­nin basa aıtty. О́z kezeginde Qara­ǵandy oblysynyń ákimi Jeńis Qa­sym­bek Keńgir sý qoımasynan qosym­sha sýmen jabdyqtaý júıesi eki aı­dyń ishinde iske qosylatyn habarlady.

Úkimettik delegasııa Jezqazǵanda salynyp jatqan 900 oryndyq Nazar­baev zııatkerlik mektebin ara­lap kórdi. Nysandaǵy barlyq ju­mys kes­tege sáıkes júrgizilýde. Qa­zir­gi ýa­qyt­ta qu­ry­lys aıaqtalýǵa ja­qyn. Halyq­ara­lyq normalarǵa sáı­kes bilim be­rý ny­sanynyń aýlasyn abattan­dyrý, ǵı­maratty jıhazben tolyq jabdyqtaý boıynsha tapsyrmalar berildi.

Sońǵy jańalyqtar

NASA Marska qamdandy

Tehnologııa • Búgin, 22:00

Ǵarysh ınjenerleri vırýspen kúresip jatyr

Tehnologııa • Búgin, 20:35

Almaty oblysynda ekpindi jel kútilýde

Ekologııa • Búgin, 18:47

Nur-Sultan qalasynda bazar órtendi

Elorda • Búgin, 18:35

Taraz qalasyna ystyq sý qashan beriledi?

Aımaqtar • Búgin, 15:14

Indetpen kúres jalǵasa beredi

Qoǵam • Búgin, 11:54

Uqsas jańalyqtar