Koreıalyq kompanııa arnaıy zertteý nátıjesinde vırýstar metaldyń jáne plastıktiń betinde eki-úsh kúnge deıin saqtalatynyn anyqtaǵan. Sol sebepti ony súrtip otyrý – shart.
Smartfondy kún saıyn bir márte tazalap turǵan jón. Ony ózińizden basqa bireý ustaǵan jaǵdaıda sol mezette birden arnaıy suıyqtyqpen súrtip qoısańyz, artyq bolmaıdy.
– Adamdar bir táýlik ishinde smartfondy ortasha eseppen 52 márte qolyna alady. Biraq pandemııaǵa baılanysty bul kórsetkish áldeqaıda joǵarylap ketti. Sol sebepti smartfondy dezınfeksııalap otyrýdyń da mańyzy arta tústi, – delingen arnaıy nusqaýlyqta.
Gadjetti dıstıldengen sý men spırttiń qosyndysyna batyrylǵan jumsaq matamen súrtý kerek. Denınfeksııalyq salfetka men antıseptık te jaraı beredi. Súrter aldynda devaısty mindetti túrde sóndirip, betindegi suıyq tolyq kepkenshe qospaý kerek.
Nusqaýlyqta aıtylǵandaı, adamdar kóp jaǵdaıda smartfondy ǵana súrtip, basqa gadjetterdi tazalaýǵa kóńil bóle bermeıdi eken. Shyndyǵynda iPhone Watch pen Samsung Watch sııaqty qolsaǵattar eń tez lastanatyn gadjetke jatatyndyqtan, onyń da bilezigin aǵytyp alyp tastap, saǵatynyń sıferblatyn súrtip qoıǵan durys.
Ǵalymdardyń zertteýine qaraǵanda, smartfondardyń COVID-19 vırýsyn taratý qaýpi óte joǵary.
