Suhbat • 25 Mamyr, 2020

«Ádep pen ádilet – egiz uǵym» - Serikbaı Nurǵısaev

52 ret kórsetildi

COVID-19 indetimen kúres kezeńi ekonomıkalyq saıasattyń ózgerýine ǵana emes, atqarýshy bıliktiń basqarý formasy men túrli salalardaǵy jumys rejıminiń túbegeıli reformaǵa ushyraıtynyn da kórsetip berdi. Máselen, turǵyndar az ýaqyt ishinde qashyqtan oqý, onlaın baılanys arqyly jumys isteý, keńse qyzmetin alystan paıdalaný sııaqty úrdiske beıimdelýge májbúr boldy.

Bul – úlken synaq bolǵanymen, sıfrlandyrý úderisine aıaq basqan qoǵam úshin sátti múmkindikke aınaldy. Ásirese, memlekettik qyzmet salasyndaǵy ashyqtyq pen jarııaly orta qalyptastyrý mindetin murat tutqan kezeńde turǵyndarǵa qajetti memlekettik qyzmet túrleriniń qashyqtan kórsetilýge kóshe bastaýy quptarlyq jaǵdaı. Al bul baǵyttaǵy jumys Jetisýda qalaı júzege asyp jatyr? Osy jáne basqa da saýaldarǵa jaýap izdep Memlekettik qyzmet isteri agenttiginiń Almaty oblysy boıynsha departamentiń basshysy - Ádep jónindegi keńes tóraǵasy Serikbaı Nurǵısaevpen az-kem suhbat qurǵan edik.

- Serikbaı О́rikbaıuly, Tótenshe jaǵdaı kezeńi artta qalǵanymen, elimizde indet taralý qaýpi áli de saqtalyp otyr. Iаǵnı, turǵyndarǵa qajetti qyzmet túrlerin meılinshe qashyqtan kórsetý úrdisi kún tártibinen túspeýi tıis. Al adamdardyń máselesin sheshýde eń aldymen memlekettik qyzmetshige salmaq túsetini anyq. Osy oraıda, jetisýlyq memlekettik qyzmetshilerdiń jumysy oıdaǵydaı ma?

- Álbette, qazirgi zaman talabynyń ózi qoǵamdy ashyq ári jarııaly bolýǵa shaqyryp otyr ǵoı. Bul baǵytta elimizde kóptegen is atqaryldy. Atap óterligi, Qazaqstandaǵy sıfrlandyrý baǵdarlamasy budan kóp ýaqyt buryn qolǵa alyndy. Sonyń nátıjesinde memlekettik qyzmetshiler Tótenshe jaǵdaı jarııalanǵan kezeńde esh qınalmastan qashyqtan qyzmet kórsetýge beıimdeldi. Memleket Basshysy Qasym-Jomart Toqaevtyń tapsyrmasyna sáıkes, Tótenshe jaǵdaı kezinde memlekettik mekeme qyzmetshileriniń kópshiligi óz jumysyn qashyqtyqtan jalǵastyrýǵa kiristi. Memlekettik qyzmet isteri agenttigi Almaty oblysy boıynsha departamentiniń qyzmetkerleri de bul synnan súrinbeı, jumysty onlaın jalǵastardy.  Munyń taǵy bir mysaly retinde azamattarǵa ótemaqy tóleý kezinde buqaramen tikeleı baılanysta jumys istegen áleýmettik qorǵaý salasy mamandarynyń eńbegin aıtsaq ta bolar. Árıne, tehnıkalyq qatelik oryn alǵan bolýy múmkin, alaıda, turǵyndarǵa sıfrly qyzmet kórsetý isin joǵary baǵalaýymyz kerek. Jalpy, memlekettik qyzmet túrlerin halyqqa qol jetimdi etý barysy Almaty oblysynda júıeli túrde júrýde. Esińizde bolsa, elimiz boıynsha eń alǵashqy «Servıstik ákimdik» Qaratal aýdanynda ashylǵan bolatyn. «Servıstik ákimdik» azamattarmen tyǵyz baılanysta jumys jasaýǵa jáne turǵyndarǵa qalanyń túkpir-túkpirinde ornalasqan bólimderdi izdemeı-aq memlekettik qyzmetterdi bir ǵımarattan alýǵa múmkindik beredi. Osy ońtaıly joba tuńǵysh ret Úshtóbe qalasynda júzege asty. Bul óńirdegi basqraý qyzmetiniń kabınettik júıeden ótip, «Open Space» formatyna kóshýdiń sátti qadamy boldy. Qazir mundaı «Servıstik ákimdikter» oblystyń birqatar aýdandarynda ashyldy. Bul baǵyttaǵy jumys toqtamaıdy.

- Sózińiz aýzyńyzda, siz aıtqan «Servıstik ákimdikterdiń» ashylýynan qoǵam naqty qandaı paıda kórip otyr? Bul jerde memlekettik qyzmetshilerdiń jaýapkershiligin arttyrý mańyzdy ma, álde turǵyndardyń máselesin jedel sheshý birinshi orynda ma?

- О́z basym ashyq ákimdik jobasynyń júzege asýyn eki máseleniń de sheshimin tabýǵa jasalǵan qadam dep baǵalar edim. Birinshiden, elimizde memlekettik qyzmetshi mártebesin kóterýge baılanysty mańyzdy shara atqarylýda. Iаǵnı, bizdiń qoǵamnyń basty urany – jemqorlyqtan ada orta qalyptastyrý bolýy tıis. Al el arasynda memlekettik qyzmetshi ımıdjine nuqsan keltiretin sybaılas jemqorlyqqa qatysty pikir qalyptasqany jasyryn emes. Bylaısha aıtqanda, atqarýshy bılik jumysynyń jabyq bolýy bul pikirge ózek bolatyny anyq. Mine, ashyq ákimdik jobasy osy kemshilikti joıýǵa jasalǵan qadam. «Open Space» formaty degenimiz tek qabyrǵasy qalyń kabınetten bas tartý ǵana emes, memlekettik qyzmetshiniń halyq aldyndaǵy bilimi men biliginiń, kásibı óresiniń ashyq túrde tarazyǵa túsýi bolsa kerek. Munyń arǵy jaǵynda ar-ojdan jaýapkershiligi jatyr. Al bul qyzmettiń turǵyndar úshin tıimdiligi óte zor. О́ıtkeni, «Servıstik ákimdik» jobasynyń qaǵıdalary memlekettik qyzmet kórsetetin mekemelerdi bir jerde shoǵyrlandyrý men azamattarǵa yńǵaıly jaǵdaı jasaýǵa negizdelgen.

- Siz oblystaǵy Ádep jónindegi keńesti basqarasyz. Keńes jumysy qandaı qaǵıdany basshylyqqa alady?

- Ádep jónindegi keńestiń alǵa qoıǵan basty maqsaty – memlekettik qyzmetshiler men qarapaıym halyqtyń arasyndaǵy qarym-qatynasty nyǵaıtý, retke keltirý, qadaǵalaý. Bul jaýapty mindetti múltiksiz atqarý úshin keńes músheleriniń 70 paıyzy qoǵamdyq uıymdardyń, úkimettik emes uıymdardyń, buqaralyq aqparat quraldarynyń ókilderi men ózge de memlekettik qyzmetke qatysy joq belsendilerden quralǵan. Sondyqtan da, Ádep keńesi halyqtyń atynan sóılep, turǵyndardyń atynan talap qoıatyn, áleýmettiń kózqarasyn jetkizetin birden-bir ashyq alań retinde jumys júrgizedi. Árıne, keńes qabyldaǵan sheshimder Konstıtýsııamyzǵa qarama-qaıshy kelmeýi tıis jáne de ol sheshimder mindetti túrde zań sheńberinen shyqpaýy mańyzdy. Osy jerde Almaty oblysynyń Ádep keńesi basqa aımaqtardaǵy áriptesterge úlgi bolyp, alǵashqy bolyp onlaın otyrys ótkizgenin aıtýǵa bolady. Biz osy otyrysta 3 aýdandaǵy laýazymdy tulǵalardyń qatysýymen másele qaradyq. Jalpy, Memlekettik qyzmet isteri agenttigi Almaty oblysy boıynsha departamentiniń qyzmetshileri azamattardy onlaın rejımde qabyldaý júrgizdi tolyqtaı jolǵa qoıdy. Áleýmettik jeli arqyly Almaty oblysynyń turǵyndary óz suraqtaryn departament qyzmetshilerine joldady, basshylyqtyń tikeleı onlaın qabyldaýynda boldy. Birde - bir adam tyńdaýsyz qalǵan joq.

- Ádep degenimizdiń ózi ádilettiń ekinshi aty sııaqty ǵoı. Keńes músheleriniń deni qoǵam ókilderinen quralǵanyn aıttyńyz, qatal sheshim qabyldaýda álsizdik kórsetý, emosııaǵa berilý sııaqty jaǵdaı bolmaı ma? Keńes shyǵarǵan sheshimdi keıinnen ózgertý faktisi bolyp qalsa she?

- Bul jerde keńestiń jazalaýshy organ emes, aq-qarany adamgershilik prınsıpterine júgine otyryp saraptaıtyn qoǵamdyq orta ekenin eskerý kerek. Árıne, keńes músheleri memlekettik qyzmetshiniń ádep normalaryn qatań aıyptaı otyryp, oǵan laıyqty jaza taǵaıyndaýdy quzyrly oryndardardyń enshisine qaldyrady. Al keńes sheshimin ózgertýge qatysty jaqynda bir jaǵdaı boldy. Bulaı etýimizdiń dáleldi sebebi bar. Is Taldyqorǵan qalalyq taýarlar jáne kórsetiletin qyzmetterdiń sapasy men qaýipsizdigin baqylaý basqarmasynyń qyzmetshilerine qatysty boldy. Iаǵnı, SES qyzmetshilerine qatysty tártiptik jaza qoldanýdy Taldyqorǵan qalalyq prokýratýrasy usynǵan edi. Ádep jónindegi keńes músheleri SES qyzmetshilerine qatysty jazany jeńildetýge tyrysqanymen, atalǵan másele boıynsha zań buzýshylyq faktileri óz dálelin taýyp, olar tártiptik jazaǵa tartylǵan bolatyn. Arada uzaq ýaqyt ótpeı álemdi sharlaǵan koronavırýs indeti bizdiń elge de jetti. Osy tusta indetpen kúreske dárigerlermen qatar SES mamandary da jumyldy. Osy kezde, Tótenshe jaǵdaı jónindegi Memlekettik komıssııanyń otyrysynda Qazaqstan Prezıdenti Qasym-Jomart Toqaev koronavırýsqa qarsy kúres sharalaryna qatysatyn dárigerlerge, polısııa qyzmetshilerine jáne basqa da mamandarǵa ústemaqy tóleýdi tapsyrdy. Memleket basshysy bul adamdar demalyssyz, otbasy múshelerin sırek kórip, óz ómirlerin qaýipke tóndiretinin atap ótti. Osyǵan baılanysty, epıdemııaǵa qarsy is-sharalarǵa qatysatyn qyzmetshilerge aı saıynǵy ústeme aqy 3 aı merzimge belgilengen bolatyn. Al buǵan deıin tártiptik jaza taǵaıyndalǵan qyzmetshilerge ústeme aqy tólenbeıdi. Bul týraly jurt pikiri ekige jarylyp, áleýmettik jelide qyzý talqylandy. Bir jaǵynan Ádep keńesiniń sheshimi, ekinshi jaǵynan SES qyzmetshileriniń indetpen kúrestegi janqııarlyq jumysy taryzyǵa tústi. Al olardyń jumys jeńil emes edi. Karantın jaǵdaıynda Taldyqorǵan qalasynyń beketterinen kúndelikti 4284 avtokólik qadaǵalaýdan ótip, 8807 adamnyń densaýlyǵyn muqııat tekserý jumysy asqan tózim men jaýapkershilikti talap etedi. Osy jaǵdaıdy eskere kele, Ádep keńesiniń músheleri qalalyq SES mamandaryna taǵaıyndalǵan tártiptik jazany alyp tastaýǵa sheshim shyǵardy.

 

Suhbattasqan, Qalmahanbet MUQAMETQALI,

«Egemen Qazaqstan»

Almaty oblysy

Sońǵy jańalyqtar

Ulttyń batyr ulany

Qazaqstan • Keshe

Ulttyq bolmysty kestelegen...

Rýhanııat • Keshe

Bas qala tarıhy qamtylǵan kórme

Rýhanııat • Keshe

Shekarada shekteý bar

Qazaqstan • Keshe

Uqsas jańalyqtar