Aımaqtar • 25 Mamyr, 2020

Pavlodarda kásiporyndar shyǵyny ótelgen

18 ret kórsetildi

Indet pen elimizdegi tótenshe jaǵdaı ýaqytynda elimizdegi keıbir kásiporyndardyń jumystary azaıyp, keıbiri toqtap ta qaldy. Al, karantın kezindegi shyǵyndardy óteý úshin qandaı sharalar jasalady degen suraq ta jetkilikiti.

Buǵan jaýapty elimizdegi «QazIndustry» Indýstrııa jáne eksport ortalyǵy» AQ bere alady, ol sizdi bızneske memlekettik qoldaý kórsetý baǵyttarymen tanystyrady.

Ortalyq ókili Aslan Bekbergenovtiń aıtýynsha, elimizde ónerkásiptik kásiporyndarǵa tehnologııalyq sheshimderden bastap sertıfıkattaýǵa, eksportqa jáne sıfrly tehnologııalardy engizýge deıingi barlyq kezeńderde kómek kórsetiledi. A.Bekbergenov «cash back» alǵan, shyǵyndaryn ótetken birqatar kásiporyndardy mysalǵa keltirdi.

Iаǵnı, elimizde ótken jyly «Eńbek ónimdiligin arttyrý» baǵyty sheńberinde 69 kásiporynnan quny 779,15 mıllıon teńgeniń 122 ótinimi boıynsha shyǵyndar ótelgen. Al, «Otandyq óńdelgen taýarlardy syrtqy naryqtarǵa shyǵarý» baǵyty aıasynda 139 kásiporynnan 3,9 mlrd. teńgege 179 ótinim boıynsha shyǵyndar ótelipti.

О́tken jyly óńirimizde «Pavlodar tuz kompanııasy», «Eger» JShS seriktestikteriniń ónimdi eksporttaý kezinde jumsalǵan kólik shyǵyndary memleket tarapynan ótelgen. Ekibastuzdaǵy «Prommashkomplekt» JShS-ine jumysqa sheteldik mamandardy tartý shyǵyndary da tólenipti.

Sonymen birge,  «TROYA» JShS-ine montajdaý jáne iske qosý-retteý jumystary boıynsha shyǵyndary ótelgen. Sondyqtan, eksportqa ónim shyǵarýshylar 1 maýsymyna deıin memlekettik qoldaýdyń qarjylyq sharalaryn alýǵa ótinim bere alady. Al, mamandardy oqytýǵa, kásiporyndar jumysyna sheteldik mamandar tartýǵa baılanysty shyǵyndar da ortalyq arqyly óteledi.

Memlekettik qoldaý sharalaryn usyný erejeleri www.qazindustry.gov.kz. saıtynda berilgen.

- Qoldaý kórsetiletin kásiporyndar qataryna barlyq sanattaǵy óńdeýshi ónerkásip kásiporyndary kiredi. Biraq naqty talaptar bar. Eńbek ónimdiligin arttyrýǵa baılanysty ketken shyǵyndardyń bir bóligin qaıtaryp alý úshin kásiporyn qyzmetin ekonomıkanyń basym sektorlarynda keminde 1 jyl júzege asyrýy qajet. Al eksporttyq shyǵyndardy ótegisi keletinder otandyq óńdelgen taýarlardy óndirýshi nemese óndirilgen ónimdi ótkizetin onyń enshiles kompanııasy bolýy qajet, - deıdi A.Bekbergenov. О́tinim berýshiler ortalyqtyń mamandarynan kásibı keńes ala alady. Ár óńirge menedjer-keńesshiler aıqyndalǵan. Memleket eksporttaýshylardyń ónimderin shetelde jarnamalaýǵa, olardyń sheteldik kórmelerge, jármeńkelerge, festıvaldarǵa tikeleı qatysýlaryna, aqparattardy shet tilderine aýdarýǵa jáne arnaıy katalog shyǵarýǵa, ónimdi shetelde sertıfıkattaýǵa, qoımany, saýda úı-jaılaryn jalǵa alýǵa baılanysty shyǵyndardy óteıdi.

 

Pavlodar oblysy  

 

 

 

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar