Onyń aıtýynsha, qala aýmaǵynda qoqys tastaıtyn 488 qoqys alańshasy, 2039 qoqys konteıneri bar. Búginde olardyń kóbiniń tozyǵy jetken. Sol sebepti, qoqys salatyn konteınerlerdi memlekettik-jekemenshik áriptestik aıasynda jańartý kózdelip otyr eken.
Jańa qoqys konteınerleri basqa konteınerlerge qaraǵanda yńǵaıly. Arnaıy qaqpaqtary jeńil qaldyqtardyń ushyp ketýinen, shashylýynan qorǵaıdy jáne jaǵymsyz ıisi shyqpaıdy.
Qatty turmystyq qaldyqty ıgerý, kádege jaratý jáne qaıta óńdeý baǵytyndaǵy jumystardy kezeń-kezeńimen júzege asyrýdy aıtqan qala basshysy M.Áıtenov eń aldymen úı qaldyqtaryn suryptap, eko-konteınerlerge jınaý qajettigin aıtty.
Osy oraıda, Green line kompanııasynyń ókili qala basshysyna eko-konteınerdiń bir nusqasyn usynyp, qoqysty óńdeýdiń ózindik júıesin kórsetti. Munan bólek, bul salada birneshe jyldan beri qyzmet etip kelejatqan «OrıonNovTeh» kompanııasynyń da usynysyn talqylady.
Jıyn barysynda Murat Dúısenbekuly qaladaǵy qoqys jınaý júıesine, ásirese jer úılerdiń kóshe boıyna qaldyqtaryn shyǵaryp tastaıtynyna kóńili tolmaıtynyn jetkizdi. Sondyqtan, qoqys jınaýdyń jańa algorıtmin jasaýdy tapsyrdy.
Sondaı-aq ákim túrli konteınerler qoıyp, bıznesti memlekettik-jekemenshik áriptestik arqyly qaıta óńdeýmen aınalysýǵa yntalandyrý kerek ekenin aıtyp ótti.
Shymkent
