Aımaqtar • 25 Mamyr, 2020

Nur-Sultanda eki jańa kópir ashylady

44 ret kórsetildi

Nur-Sultanda 2020 jyly kólikter qatynaı alatyn eki kópirdiń qurylysy aıaqtalady. Bul qalanyń kólik jelisin edáýir jeńildetýge múmkindik beredi. Elorda ákimi Altaı Kólginov Esil ózeni arqyly ótetin kópir qurylysy barysymen tanysty. Bul týraly qala ákimdiginiń resmı saıty habarlady.

Kópir qurylysy bıyl aıaqtalady. Oń jáne sol jaǵalaýdy qosatyn kópir (Esil ózeni arqyly) Máńgilik El dańǵyly, J. Nájimedenov, A. Baıtursynov, R. Qoshqarbaev kóshelerindegi, Nova sıtı keshenindegi, «Myńjyldyq» alleıasyndaǵy shamadan tys júktemeni azaıtýǵa, jańa «Nurly jol» vokzalynyń qoljetimdiligin arttyrýǵa múmkindik beredi. Kópirlerdiń sanyn arttyrýdy el basshylyǵy tapsyrdy.

Bıyl Nura – Esil arnasy arqyly Uly Dala dańǵylyndaǵy kópirdiń qurylysy aıaqtalady. Sonymen birge, Esil ózeni arqyly Táýelsizdik dańǵylynda jańa vanttyq kópirdi salýdy josparlap otyrmyz.

Sonymen qatar, elordada jol jumystary júrgizilip jatyr. Bıyl jalpy uzyndyǵy 100 km bolatyn 150 kóshe jóndelip, keıbireýi jańadan salynady.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar