Álem • 25 Mamyr, 2020

Al-Jazeera: AQSh jańa sanksııa jarııalady

16 ret kórsetildi

AQSh birneshe ıran­dyq sheneýnikke adam quqyqtaryn buzdy degen aıyppen sanksııa jarııalady.

О́tken sársenbide AQSh Irannyń birneshe joǵary laýazymdy azamatyna qarsy sanksııa jarııalaǵanyn habarlaǵan edi. Olardyń ishinde Ishki ister mınıstrimen birge taǵy 8 adam bar. AQSh mundaı áreketke Irandaǵy adam quqyqtarynyń buzylýy ıtermeledi deıdi. Al Iran jaǵy bolsa atalǵan aıyppen kelispeı otyr. Kerisinshe muny Vashıngtonnyń buǵan deıingi nátıjesiz sanksııalarynyń belgisi dep málimdedi. Irannyń Syrtqy ister mınıstri Abbas Mýsavı «Vashıngtonnyń ırandyq shendilerge qatysty nátıjesiz ári jıi qaıtalanatyn soqyr sanksııalary – AQSh ákimshiliginiń álsizdiginiń aıǵaǵy» dedi telearnalardaǵy málimdemesinde.

AQSh Qarjy mınıstrligi Irannyń Ishki ister mınıstri Abdolreza Rahmanı-Fazlı ótken jyldyń qarasha aıyndaǵy úkimetke qarsy kóterilis kezinde quqyq qorǵaý organdaryna kúsh kórsetýge ruqsat bergenin, nátıjesinde narazylardyń qaza tapqanyn aıtty. Qaıtys bolǵandardyń ishinde kámeletke tolmaǵan 23 azamat bar eken.

Esterińizde bolsa, 15 qarashada júz­degen jumysshy men jas úkimettiń janar­maı baǵasyn qymbattatý sheshimine narazylyq bildirip, alańǵa shyqqan edi. Keıin bas kóterýler saıası keıipke enip, halyq sheneýnikterdiń sýretterin órtep, rýhanı kóshbasshylardyń qyzmetten ketýin talap etti. Iran kóshbasshysy Alı Hosseını Hameneı eldegi jaǵdaıdy «Irannyń jaýlary uıymdastyrǵan qastandyq» dep málimdedi.  

Qańtar aıynda eldegi oppozısııalyq saıt kúzdegi narazylyqtardyń kezinde kem degende 631 adamnyń óltirilgenin habarlady, al Londondaǵy Amnesty International úkimettik emes uıymy qurbandardyń sany 300-diń shamasynda dep jazdy. Eki derekkózdiń de aqparatyn Iran bıligi joqqa shyǵardy. Alaıda narazylyqqa qatysqan ondaǵan adamnyń uzaq merzimge qamaýǵa alynǵany belgili. 

BUU jáne basqa memleketterdiń pandemııa kezinde sanksııany toqtatýǵa qatysty eskertýlerine qaramastan, AQSh jańa shekteýler engizýin qoıar emes. Vashıngton men Tegeran arasyndaǵy shıelenis AQSh prezıdenti Donald Tramptyń halyqaralyq derjavalar arasyndaǵy Iran ıadrolyq kelisiminen óz erkimen shyǵyp ketýinen keıin ýshyǵa túsken bolatyn. Odan keıin prezıdent Irannyń joǵary laýazymdy azamattary men birneshe uıymyna qarsy sanksııalardyń birneshe raýndyn jarııalaý arqyly Tegeranǵa ekonomıkalyq qysym kórsetý naýqanyn bastap ketti. «Meılinshe joǵary qysym» dep atalyp ketken strategııa dıplomatııalyq, ekonomıkalyq, áskerı qysymdardan turady. Ol Irannyń aımaqtaǵy bedelin tómendetýge, sonymen birge eldiń ıadrolyq áleýetine, raketalyq baǵdarlamasyna nuqsan keltirýge baǵyttalǵan.

Sońǵy jańalyqtar

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar