Aımaqtar • 25 Mamyr, 2020

COVID-19: Taldyqorǵanda indet juqtyrǵandar qatary kóbeıip keledi

160 ret

kórsetildi

1 mın

oqý úshin

Búgin Almaty oblysynda koronavırýs ınfeksııasy juqqan taǵy 4 adam tanyqtaldy. Naýqastardyń bári Taldyqorǵan qalasynyń turǵyndary eken. Al osy sátke deıingi málimet boıynsha oblys aýmaǵynda aýyrǵandar sany 288 janǵa jetti.

Qalmahanbet MUQAMETQALI

COVID-19: Taldyqorǵanda indet juqtyrǵandar qatary kóbeıip keledi

- Taldyqorǵan qlasynyń 1959, 1964, 1983, 1990 jyly týǵan turǵyndarynan indet belgisi tabyldy. Olardyń úsheýi buryn koronavırýs ınfeksııasymen aýyrǵan adammen baılanysta bolǵan, al bireýi profılaktıkalyq tekserý barysynda anyqtaldy. Barlyq naýqastar buryn oqshaýlanǵan, qazirgi ýaqytta juqpaly aýrýlar bólimine aýystyryldy. Epıdemıologııalyq tekserý júrgizilýde, - dep habarlady Almaty oblysy ákiminiń baspasóz qyzmeti.

Aıtpaqshy, búgin áleýmettik jeli qoldanýshylary Almaty oblysynda juqpaly indetten qaıtys bolǵan naýqas týraly jazǵan bolatyn. Osyǵan oraı oblys ákiminiń baspasóz hatshysy Ǵalymurat Júkelden máseleniń anyǵyn suraǵan edik, ol aımaqta indetten kóz jumǵan naýqas tirkelmegenin, taraǵan aqparattyń jalǵan ekenin túsindirdi. Baspasóz hatshysynyń aıtýynsha, vırýs juqtyrǵan barlyq naýqastyń densaýlyǵy qalypty. Em alýshylardyń jaǵdaıy nasharlap, jasandy tynys alý qurylǵysynyń kómegine júginýi bolmaǵan eken.

Almaty oblysy