Medısınalyq uıymdar dári-dármekpen, jeke medısınalyq qorǵaý zattarmen jáne tıisti qural jabdyqtarmen qamtamasyz etildi. Qalada juqpaly aýrýlar aýrýhanasynda koronavırýske arnalǵan tósek oryndar 300-den 450-ge ulǵaıtyldy. Budan basqa, 320 tósek oryndyq provızorlyq stasıonarlar, 1 416 karantındik oryndar ashyldy.
Covid-19 juqtyrǵan azamattardy ýaqytyly anyqtaý maqsatynda, laboratorııalyq testten ótkizý sharalary kúsheıtildi. Qaladaǵy Ulttyq zertteý ortalyǵynyń fılıalynan bólek, qosymsha 3 laboratorııalyq zertteý oryndary ashyldy. Nátıjesinde, kúnine testileý qýattylyǵy 300-den 500-ge jetkizildi.
Sonymen qatar, jańadan 2 laboratorııa ashylyp,testileýdi 3 esege deıin ulǵaıtady. Sáýir-mamyr aılarynda josparly testileýden ótetin 23 myń adamnyń 19 845 ıaǵnı, 86% PSR testten ótkizildi.
Qala ákimdigi rezervinen koronavırýske qarsy sharalarǵa 1,2 mlrd.teńge qarjy baǵyttaldy. Onyń ishinde, medısınalyq mekemelerdiń materıaldyq-tehnıkalyq bazasyn nyǵaıtýǵa 501 mln.teńge bólindi. Odan bólek, 5,8 mlrd.teńgege qalada jańadan 200 oryndyq juqpaly aýrýlarǵa arnalǵan gospıtal qurylysy júrgizilýde. Aǵymdaǵy jyldyń 1-shi maýsymynda paıdalanýǵa beriletin bolady.
