Aımaqtar • 25 Mamyr, 2020

Deniń saý bolsyn deseń, tártipke baǵyn

24 ret kórsetildi

Oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentiniń uıymdastyrýymen Kókshetaý qalasyndaǵy «Ortalyq bazar» aýmaǵyndaǵy saýda oryndarynda karantın tártibine saı sanıtarlyq talaptardyń qanshalyqty saqtalatyndyǵyna reıd uıymdastyrylyp, jeke kásipkerlermen túsindirmelik jumystar júrgizildi. Osy baǵytta arnaıy qurylǵan mobıldi toptar aýdandarda da belsendi eńbek etýde.

Quramynda joǵaryda aıtylǵan departament ókilderi men sanıtarlyq epıdemıologııalyq mamandar, polıseıler bar úsh mobıldik top «Troıa», «Vavılon», «Rýbın», «Ortalyq bazar», «Azııa» saýda úılerine, daladaǵy qoǵamdyq ashanalar men jaıma bazarlarǵa baryp, qazirgi karantın talaptarynyń jeńildetilgen kezeńinde saqtalýy tıis sanıtarlyq tártip normalary boıynsha túsindirmelik jumystar júrgizdi. Jýrnalıster qaýymy birinshi top quramyna qosylyp, halyqtyń  kóp baratyn «Rýbın», «Ortalyq bazar» saýda oryndaryna boldy.

«Rýbın» saýda ortalyǵyndaǵy birinshi kirgen dúńgirshektiń ishinde tórt satýshy nan taǵamdary men táttiler, sút ónimderin satyp tur. Bul dúńgirshekte sanıtarlyq talaptar tolyq saqtalady dep aıta almaımyz, ishi de tar. Sanıtarlyq-epıdemıologııalyq mamandar tekseris jumystaryn júrgizip, satýshylarǵa sanıtarlyq tazalyq júrgizý men jeldetý tártibin túsindirip, oblystyń bas sanıtarlyq dárigeriniń tótenshe jaǵdaı jáne karantın talaptary boıynsha shyǵarǵan qaýlylary men tazalyq saqtaý erejelerin túsindirip berdi. Sonymen birge, balalar men sábılerdiń taǵamdaryn, et,  sút, sýsyn, oıynshyq, mata satatyn dúgirshekterge de kirip, osyndaı sanıtarlyq talaptardyń saqtalýyn tekserip, eskertýler jasady. Satýshylar maska men qolǵap kıgenimen, antıseptık quraldary tek ózderine ǵana qoıylǵan. Biz kirgenge deıin qaı dúńgirshek bolsyn, ondaǵy kelýshiler eshqandaı áleýmettik araqashyqtyq saqtamaı, maskasyz, beseýden artyq júrdi. Bul ázirshe mobıldi toptardyń túsindirmelik tekseristeri. Endi olar aldaǵy kúnderi tekseris júrgizýge eskertýsiz shyǵyp, talaptardy saqtamaı, tártipke baǵynbaǵandarǵa aıyppul salyp, ákimshilik jaýapqa tartady.

Mundaı jumystar Selınograd aýdanynda kúsheıtilgen túrde júrgizilýde. Onda atalmysh departament pen basqa da oblystyń ákimshilikterinen jiberilgen mamandardan quralǵan úsh brıgada jumysyn jalǵastyrýda. Ár brıgada 5 adamnan turady, onyń ishinde sanıtarlyq-epıdemıologııalyq mamandarmen qatar polısııa men ákimdik qyzmetkerleri bar. Olar turǵyndar men kásipkerlerge oblystyń bas memlekettik sanıtarlyq dárigeri qaýlylarynyń tarmaqtaryn túsindirip, sanıtarlyq-aǵartý jumystaryn júrgizýde.

Naqtylaı túskende, Qosshy aýylynda koronavırýs juqpasynyń epıdemıologııalyq jaǵdaıynyń nasharlaýyna baılanysty ár túrli qyzmet salalaryndaǵy 309 kásipkerlik nysandaryna kúsheıtilgen tekseris júrgizildi, árbir úıdiń aýlasyna baryp, vırýstyq ınfeksııalardyń túrleri, sonyń ishinde COVID-19 týraly jadynamalar taratyldy. Sondaı-aq, bul mobıldi toptardyń epıdemıolog mamandary koronavırýs oshaqtaryn zertteý jumystaryna,  vırýsty testileý josparlaryn qurý, jumys istep turǵan nysandar bazasyn qurý jáne naqtylaý boıynsha is-sharalarǵa jumyldyryldy. Osylaısha ondaǵy jumysty kúsheıtýge issaparǵa jiberilgen qyzmetkerler Nuresil, Qabanbaı batyr jáne Aqmeshit eldi mekenderindegi blok-beketterge baqylaý júrgizdi. Sońǵy birneshe kúnde Talapker, Qaraótkel, Qosshy, Qoıandy, Orazaq aýyldarynda barlyq sanıtarlyq-epıdemıologııalyq is-sharalardy aıaqtady.

Mundaı aqparattyq-túsindirmelik jumystar karantın rejımi kezinde úzbeı júrgizilip turady deıdi departament mamandary.

 

Aqmola oblysy.

 

Sońǵy jańalyqtar

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar