Aımaqtar • 25 Mamyr, 2020

«Azamattarǵa arnalǵan úkimet» jaǵdaıǵa qaraı jańasha jumys istep jatyr

34 ret kórsetildi

О́ńirlik kommýnıkasııalar qyzmetinde ótken brıfıngte Aqmola oblysy boıynsha «Azamattarǵa arnalǵan úkimet» fılıalynyń dırektory Baýyrjan Erimbetov halyqqa qyzmet kórsetý ortalyǵy jumysynyń jańa formaty jóninde aıtyp berdi.

О́tken aptada Aqmola óńirinde ornalasqan atalmysh ortalyqtardyń bári óz jumysyn jandandyrdy. Koronavırýs pandemııasy jaǵdaıynda da ortalyq barlyq 642 memlekettik qyzmetti usyndy. Onyń ishinde  burynǵydaı kúnine myńnan astam adamǵa qyzmet kórsetý aqmolalyqtar men bizdiń eńbekkerlerdiń ómiri men densaýlyǵyna qaýip tóndiredi. Olar bul qyzmetti onlaın túrinde ala alady.

Osy oraıda, halyqqa qyzmet kórsetý ortalyqtary jumysynyń tártibin ózgertý jóninde sheshim qabyldandy. Bul jańalyq ortalyqtarda kórsetiletin memlekettik qyzmet túrlerin, formaty men onyń usynylýyn qamtydy. Jańa konsepsııaǵa sáıkes, elektrondyq formatta alynbaıtyn qyzmettiortalyqtardan qaǵaz túrinde alýǵa bolady. Qyzmet nátıjesi aldyn ala egov.kz. portalynda toltyrylady,–degen fılıal dırektory búgingi kúni memlekettik qyzmet tizilimi 694 memlekettik qyzmetti quraıtynyn, onyń 80 paıyzyn elektrondyq úkimettiń portalynan alýǵa bolatynyn aıtyp ótti. Endi Kókshetaý qalasynyń halyqqa qyzmet kórsetý ortalyqtarynda tek 97 memlekettik qyzmet kórsetiledi. Olar búgingi kúnge deıin elektrondyq úkimettiń portalynda avtomattandyrylmaǵandyqtan, qyzmet qaǵaz túrinde kórsetiledi. Kókshetaý qalasyndaǵy ortalyqtarǵa barý úshin egov.kz portalyndaǵy«eGovKzBot2.0 telegram-bote» arnaıy servıs nemese 1414 nómiri arqyly aldyn ala kezekke turý qajet.

  –Bron tek qyzmet alýshynyń JSN-ynan jasalady. Eger azamat brondy aldyn ala almaıortalyqqa keletin bolsa,oǵan munda kezekke turýdy usynady. Degenmen, árdaıym bul ýaqytta ortalyqta bos tereze bolmaýy múmkin. Bul jaǵdaıda azamat óz ýaqytyn kútedi nemese kelesi kúnge brondaý arqyly kezekke turady. Aldyn ala jazýsyz qyzmet kórsetilmeıdi. Mundaı jumystyń úrdisi kezekte turǵan azamattardyń kóbeıýine jol bermeıdi. Ár qyzmet alýshy brondalǵan ýaqytynda keletin bolady. Sóıtip, azamattar uzyn-sonar kezekte turmaı, ortalyqqa barý ýaqytyn josparlaı alady. Qyzmetterdi egov.kz portalynan alýǵa bolady. Kókshetaýlyqtar ony úıde nemese keńsede ala alady.

Ol úshin elektrondyq-sıfrlyq qol alýy qajet. Qoldy búgingi kúni egov.kz. portalynan alýǵa bolady. Elektrondyq úkimet portalyn paıdalaný jóninde máseleler týyndaǵan jaǵdaıda azamattar 1414 biryńǵaı baılanys ortalyǵymen nemese portaldyń vırtýaldyq assıstentimen habarlasa alady. Sondaı-aq, kompıýteri joq qala turǵyndary úshin ortalyqtan tys egov.kz óz ózine qyzmet kórsetýdiń 8 oryny ashylǵan. Olar jumyspen qamtý, bilim bólimderi men kásipkerler palatasynda ornalasqan. Mundaı oryndar sany qalada kóbeıe túspekshi. Ortalyqtaǵy elektrondyq qyzmetti zeınetkerler, kópbalaly otbasylar, múmkindigi shekteýli adamdar alady. Olar úshin ár front keńsede jeńildik terezesi jumys isteıdi. Olar ortalyqqa kelý úshin kezegin brondaý qajet.

Biz ortalyqtyń eńbekkerlerimen 1414 koll-ortalyǵyn jáne egov.kz portalyndaǵy beınetelefon shalýdy qabyldaıtyn baılanys ortalyǵyn uıymdastyrdyq. Munda ortalyq operatorlary beıne baılanyspen PEP qyzmetin alýǵa kómektesedi. Bul jańalyq tek qana Kókshetaý qalasynda ornalasqan halyqqa qyzmet kórsetý ortalyqtaryna qatysty.

О́zge qala men aýdan ortalyqtarynda ornalasqan ortalyqtar burynǵydaı ózgerissiz jumys isteıdi. Búgingi kúni juqpaly aýrýdyń taralýyna jol bermeý maqsatynda azamattardy ortalyqqa shaǵyn toppen kirgizedi. Jalpy, ortalyq barlyq sanıtarlyq-gıgenalyq normalardy saqtap jumys isteıdi. Mindetti túrde betperde taǵý qajet. Ortalyqta sanıtaızerler ornatylyp, antıseptıkter qoıylǵan,–dep sózin qorytyndylaǵan  fılıal dırektory Baýyrjan Erimbetov budan keıin jýrnalısterdiń saýalyna jaýap berdi.

 

Sońǵy jańalyqtar

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar