Prezıdent • 25 Mamyr, 2020

Prezıdent Nur-Sultan qalasynyń ákimi Altaı Kólginovti qabyldady

19 ret kórsetildi

Qasym-Jomart Toqaevqa elordanyń áleýmettik-ekonomıkalyq damýy jáne 2019 jyly qazan aıyndaǵy keńeste berilgen tapsyrmalardyń oryndalý barysy týraly baıandaldy. Bul týraly Aqordanyń baspasóz qyzmeti habarlady.

Altaı Kólginovtiń aıtýynsha, Memleket basshysynyń tapsyrmasymen bıyl qoljetimdi turǵyn  úı qurylysy aıtarlyqtaı jandana túsken. Osy oraıda baspana kezeginde turǵan azamattar men halyqtyń áleýmettik turǵydan qorǵalmaǵan toptary úshin 8 myń páterdi paıdalanýǵa berý josparlanyp otyr.

Sonymen qatar Prezıdentke úleskerlerdiń problemasyn sheshý jáne bitpeı qalǵan turǵyn úılerdiń qurylysyna qatysty ahýaldy retteý jaıynda málimet berildi.

Memleket basshysy Jumyspen qamtýdyń jol kartasynyń oryndalýyn erekshe baqylaýda ustaý qajettigin aıtty. Sondaı-aq ınfraqurylymdyq jobalardy, onyń ishinde, mektepter men ońaltý ortalyǵyn salý, joldar men áleýmettik nysandardy jóndeý, kóshelerdi, turǵyn úı alaptary men qoǵamdyq oryndardy abattandyrý sııaqty jumystardy sapaly júzege asyrýdyń mańyzdylyǵyn atap ótti.

Budan bólek kezdesýde ınvestısııa tartý, shaǵyn jáne orta bıznesti qoldaý, áleýmettik jaǵdaıy tómen azamattarǵa kómek kórsetý máselelerine basa mán berildi.

Kezdesý qorytyndysy boıynsha Qazaqstan Prezıdenti qurylys sektoryndaǵy jumystardyń kólemin arttyrý, úsh aýysymdaǵy mektepterdiń máselesin shuǵyl sheshý, sondaı-aq, jumyssyz qala turǵyndaryn jumyspen qamtý jóninde tapsyrma berdi.

Sońǵy jańalyqtar

Ult mádenıetiniń uly janashyry

Elbasy • Búgin, 16:00

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar