Aımaqtar • 25 Mamyr, 2020

Dımash Qudaıbergen mektep bitirýshi túlekterdi quttyqtady

100 ret kórsetildi

Mamyrdyń 25-i kúni Aqtaý qalasyndaǵy Nazarbaev Zııatkerlik mektebiniń oqýshylaryna mektep tarıhynda tuńǵysh ret onlaın-sońǵy qońyraý soǵyldy. Bilim ordasynyń oqýshylary 2019-2020 oqý jylymen úıden qoshtasty dep habarlaıdy atalǵan bilim ordasynyń baspasóz qyzmeti.

Saltanatty shara Microsoft Teams platformasynda uıymdastyryldy. Eki kezeńde ótkizilgen jıynǵa oqýshylar, ustazdar jáne ata-analar onlaın qatysty. Alǵashqy jıyn bıyl mektep bitirip jatqan 162 túlekke arnap uıymdastyrylsa, ekinshi kezeńde tómengi synyp oqýshylary óz shańyraqtarynda mektep dırektorynyń orynbasarlary men shańyraq kýratorlarymen onlaın-kezdesý ótkizip, oqý jylyn qorytyndylady. Jıyn barysynda mektep dırektory Ermek Paızov bıyl mekteppen qoshtasqan túlekterdi quttyqtap, «Nazarbaev Zııatkerlik mektepteri» DBBU basqarma tóraıymy Kúlásh Shamshıdınovanyń quttyqtaý hatyn oqyp berdi.

- Qurmetti túlekter! Sizderdi búgingi mektep bitirýlerińizben shyn júrekten quttyqtaımyn! Shekara degen túsinikke baǵynbaǵan búkilálemdik indet koronavırýs pandemııasymen qúresý maqsatynda elimizde tótenshe jaǵdaıdyń oryn alýyna baılanysty búgin sizdermen onlaın-kezdesip otyrmyz. Sizderdi saǵynsaq ta, elimizdiń jas urpaǵynyń densaýlyǵy bárinen mańyzdy, dedi Ermek Serikuly.

Keıin mekteptiń qamqorshylar keńesiniń tóraǵasy Bekmurat Júsipov te túlekterdi oqý jylynyń aıaqtalýymen quttyqtap, túlekterge úlken ómirge sátti qadam tiledi. Saltanatty jıynnan soń, oqýshylar elimizdiń tanymal ánshisi Dımash Qudaıbergenniń NZM túlekterin quttyqtaý vıdeosyn tamashalady.

Aıta ketý kerek, bıyl zııatkerlik mektepti 162 túlek aıaqtap otyr. Bul – oqý ornynyń tarıhyndaǵy eń kóp túlek. Oqý jylynyń aıaǵynda 9 altyn belgi, 9 úzdik attestatqa úmitker óz bilimderin dáleldep, úzdik nátıje kórsetti. Sonymen qatar, bıylǵy oqý jylynda túlekterdiń IELTS jáne SAT emtıhandaryndaǵy kórsetkishi de joǵary ekendigi baıqalyp otyr. Máselen, aǵylshyn tilin meńgerý deńgeıin anyqtaıtyn IELTS emtıhanynan Daıana Býlatbekova, Áıgerim Shoraeva, Injý Kósherbaeva, Malıka Nurmuhamet jáne Amına Abıl 8,0 ball jınady.

Aqtaýdaǵy Nazarbaev Zııatkerlik mektebiniń bıylǵy jylǵy túlekteri AQSh,Kanada, Nıderland, Ońtústik Koreıa, Gonkong, Vengrııa, Sıngapýr, Túrkııa, Reseı elderindegi beldi ýnıversıtetteriniń stýdenti atanýǵa shaqyrtý aldy. 23 túlek Nazarbaev Ýnıversıtetiniń (Foundation – 17, Direct - 6), 12 –túlek Vengrııa ýnıversıtetterine 100 % bilim grantyn alsa, 40-tan asa túlek Kanada, AQSh, Týrkııa, Gonkong jáne Vengrııa ýnıversıtetterinen jaýap kútýde.

 

 

Mańǵystaý oblysy

Sońǵy jańalyqtar

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar