Ekonomıka • 25 Mamyr, 2020

Qylmystyq top qarajatty ofshorǵa aýdarǵan

47 ret kórsetildi

Taıaýda «TeleTrade Central Asia» JShS basshylarynyń biri Almatyda ustalyp, ýaqytsha tergeý abaqtysyna qamalǵan edi. IIM Tergeý departamenti alaıaqtyq faktisi boıynsha qylmystyq is qozǵap, atalǵan kompanııanyń aımaqtyq ókildikterinde tintý júrgizildi. Shyǵyn mólsheri shamamen jarty mlrd teńgeden asyp jyǵylady.

100-ge jýyq adam zardap shekken

Tergeý departamentiniń málimetinshe, kompanııanyń basshylary óńirlerde fılıaldar ashyp, jaldamaly menedjerlerdiń kómegimen klıentterdi elektrondy bırjada  úlken paıdaǵa kenelesiń dep aldap soqqan. Nátıjesinde ınvestorlardan jymqyrǵan qarajatty ofshordaǵy shottaryna aýdaryp otyrǵany áshkerelendi.

«Kompanııanyń qyzmetkerleri ınvestorlardan aqshany alǵan soń, ol týraly aqparat foreks-dılerdiń saıtyndaǵy jeke kabınette kórsetiledi. Osydan keıin arnaıy plagın arqyly bul shot joıylyp,  klıenttiń saýdadan jeńilgeni  habarlanady. Al is júzinde ınvestor birde-bir saýda - sattyqqa qatyspaǵan», - dep aıtady tártip saqshylary.

Sáıkesinshe osy ýaqytta qylmystyq top urlanǵan qarajatty  baqylaýdaǵy sheteldik fırmalardyń shottaryna aýdaryp kelgen.

Transulttyq qylmystyq júıeniń izi bar

Tergeýshiler quıtyrqy árekettiń iske asýyna kúdiktilerge reseılik sybaılastary qolǵabys etkenin naqtylady. Dálirek aıtqanda, Reseı azamattarymen ofshorlyq aımaqta birlesken TeleTrade D.J. Ltd kompanııasyn quryp, onda aldanǵan ınvestorlardan jınaqtalǵan olja tússe kerek.

«Qazir bul eldiń quqyq qorǵaý organdary TeleTrade qylmystyq júıesine baılanysy bar reseılik azamattarǵa qatysty tergeý jumystaryn júrgizýde», - dedi jaýapty vedomstvo ókilderi.

Kompanııa basshysy quryqtalǵan kúni Nur-sultan, Almaty, Shymkent qalalarymen birge Aqtóbe, Qaraǵandy jáne Mańǵystaý oblystaryndaǵy fırmanyń keńselerinde tergeýshiler tintý júrgizip, qylmystyq iske qatysty qujattar alyndy. Búginde atalǵan fakti boıynsha  polısııaǵa aryz túsirgenderdiń qatary 70-ten asady.

Quqyq qorǵaýshylardyń aıtýynsha, qomaqty tabysqa kenelemiz dep maldanǵandar alaıaqtarǵa 2 myń dollardan bastap, 30 myń dollarǵa deıin senip tapsyrsa kerek. Alaıda qylmystyq top ınvestısııany ofshorǵa aýdara salysymen, aqshany birden qolma-qolǵa aınaldyrýdy jolǵa qoıǵan.

Izdeýde júrip, kóz jumdy

 Sóz oraıy kelgende aıta keteıik, bul TeleTrade-ke qatysty alǵashqy daý emes. Osydan eki jyl buryn Reseıde halqyralyq brokerlik kompanııanyń sol eldegi basshysy Vladımır Chernobaı jáne onyń inisi Oleg Sývorovke qatysty asa iri mólsherdegi alaıaqtyq baby boıynsha qylmystyq is qozǵalyp, halyqaralyq izdeý jarııalanǵan-dy. Buǵan qosa 1 mlrd rýbldi jymqyrdy degen kúdikpen kompanııanyń taǵy úsh qyzmetkeri qamaýǵa alynǵan bolatyn.

Tergeý málimetterine súıensek, 2016 jyly kúdiktiler brokerlik qyzmetti júrgizýge Ortalyq banktyń lısenzııasyn alyp, TeleTrade brendin jamylý arqyly «sýyq qońyraý» ádisimen klıentterdi izdeýge kirisken. Birneshe jyl qatarynan ınvestorlarǵa Forex naryǵyna shyǵýǵa ýáde berip, belgili ssenarıı boıynsha qarajatty qaltaǵa basýdy daǵdyǵa aınaldyrǵan.

Biraq ta izdeýde júrgen V. Chernobaı byltyr maýsym aıynda Germanııada kóz jumǵan  edi. Marqum halyqaralyq izdeý jarııalanbaı turyp, Eýropaǵa onkologııalyq syrqattan emdelýge attanǵan eken.

Sońǵy jańalyqtar

Ult mádenıetiniń uly janashyry

Elbasy • Búgin, 16:00

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar