Bilim • 25 Mamyr, 2020

Búgin sońǵy qońyraý onlaın ótti

67 ret kórsetildi

Almaty qalasy fızıka-matematıka baǵytyndaǵy Nazarbaev Zııatkerlik mektebiniń 91 túlegi úshin bıyl sońǵy qońyraý onlaın soǵyldy. Saltanatty shara Microsoft Teams platformasynda ótkizildi.

Jıynǵa qatysýshy ata-analar, ustazdar jáne mektep bitirýshi túlekterdi Nazarbaev Zııatkerlik mektepteri»  DBBU basqarma tóraıymy Kúlásh Shamshıdınova quttyqtady.

«Bilim salasynda tereńnen tamyr tartatyn, urpaqtar sabaqtastyǵynyń altyn arqaýy, akademııalyq erekshe dástúrimiz «Sońǵy qońyraý» merekesin Mektep qaýymdastyǵy, ata-analar izgi nıetpen, úkili úmitpen kútetinimiz ras. О́kinishke qaraı, bıyl «Sońǵy qońyraý» meıramy ádetten tys jaǵdaıǵa tuspa-tus keldi. Barlyq álem elderimen birge pandemııaǵa aınalǵan koronavırýstyń saldarynan kúrdeli synaqty biz de bastan ótkerip jatyrmyz. Osy  syn saǵatta asqan jaýapkershilikpen onlaın bilim berýde sapaly eńbek etken barlyq ustazdarymyzǵa, mektep basshylaryna, IT-mamandarǵa   rızashylyǵymdy bildiremin», - dedi ol.

Kúlásh Noǵataıqyzynyń aıtýynsha, kúrmeýi kóp, aldyn ala boljaýy múmkin emes kúrdeli kezeńde de bilim berý salasy óz qyzmetin toqtatqan joq. Karantın ýaqytyna tuspa-tus kelgen 4-shi toqsanda zııatker ustazdar 251 509 onlaın sabaq, 75 686 konsýltasııa ótkizgen.

Bıylǵy oqý jylynda Nazarbaev Zııatkerlik mektepteriniń  oqýshylary 81 ónertabys patenti men avtorlyq quqyq ıegeri atanǵan. 33 oqýshy zertteý jobalary úshin arnaıy qarjylaı granttardy utyp, 195 oqýshy túrli deńgeıdegi pán olımpıadalary men ǵylymı jarystardyń jeńimpazdary atanǵan. Sondaı-aq 402 oqýshy álemniń úzdik ýnıversıtetteri – Nazarbaev ýnıversıteti, Garvard, Upen, Stenford  jáne QST reıtınginiń alǵashqy júzdigine kiretin basqa ýnıversıtetterdiń bilim granttaryn ıelenip otyr. Daryndy jastardy Sońǵy qońyraý merekesimen álemge tanymal ánshi, el maqtanyshy Dımash Qudaıbergen de quttyqtap, lebiz-tilegin arnady.

«Qurmetti Nazarbaev Zııatkerlik mektepteriniń jarqyn bolashaqqa kemel qadam basqaly jatqan mektep bitirýshi túlekteri, sizderge shyn júrekten mol baqyt, qajymas qaırat tileımin. Kózdegen maqsattaryńyzǵa jetip, elimizdiń erteńi úshin talmaı, tynbaı eńbek etip, elimizdiń tuǵyryn bıik-bıik belesterden kórsetesizder degen úmittemin. Barlyq arman-maqsattaryńyzǵa jete berińizder», - dedi Dımash Qudaıbergen.

Almaty qalasy fızıka-matematıka baǵytyndaǵy Nazarbaev Zııatkerlik mektebiniń onlaın formatyndaǵy sońǵy qońyraý sharasy oqý ordasynyń dırektory Juldyz Dosbergenqyzynyń lebizimen jalǵasty. 12 jyldyq oqýdy támamdap, jańa kezeńge qadam basqan túlekterge mektep basshysy aq jol tiledi.

«Osydan alty jyl buryn ıntellektýaldy mekteptiń tabaldyryǵyn jańa attap, jetinshi synypqa qabyldandyńyzdar. Búgin elimizdiń básekege qabiletti, ozyq oıly jastaryna aınalyp, altyn uıamen qoshtasqaly otyrsyzdar. Zor múmkindikterge jol ashqan sizdermen árdaıym maqtanamyz! Kóz aldymyzda ósip-jetilgen sizderdiń ár jeńis-jetistikterińiz biz úshin qundy. Ata-analar tarapynan elimizdiń bilim salasynda osy ýaqytqa deıin oryn alǵan oń nátıjeleri úshin alǵys estip, erekshe qýanyshqa bólenip otyrmyz. Ol da bolsa, orta bilim berý júıesiniń etalonyna aınalǵan Zııatkerlik mektepter júıesin qalyptastyrǵan, osy joldaǵy siz ben bizge qoldaý tanytqan Tuńǵysh Prezıdent – Elbasy Nursultan Ábishuly Nazarbaevtyń arqasy. Endeshe, Zııatkerlik mektep qabyrǵasynda sýsyndaǵan bilim-tájirıbe ómirlik azyq bolaryna úmit bildiremiz. Oqýda tabysty bolyp, ómirde óz oryndaryńyzdy tabýlaryńyzǵa árdaıym tilekshimiz», - dedi Juldyz Dosbergenqyzy.

Jańa ómirge qadam basqan shákirtterine ystyq yqylas-peıilin aq júrekti ustazdary da jetkizip, arnaıy vıdeo-quttyqtaý joldaǵan. О́z kezeginde, ustazdyq uly qyzmetti atqarǵandar men mektepti abyroımen aıaqtaǵan túlekterge ata-analar komıtetiniń tóraıymy Alma Salamatqyzy da alǵys-tilegin arnady.

Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar