Aımaqtar • 25 Mamyr, 2020

Qaraǵandyda ákimder koronavırýs úshin sógis aldy

168 ret kórsetildi

Qaraǵandy oblystyq ákimdiginde ótken apparat jıynynda óńir basshysy Jeńis Qasymbek koronavırýs ınfeksııasynyń taralýyna jol bermeý maqsatyndaǵy jumystardy álsiz júrgizgeni úshin Temirtaý qalasy men Buqar jyraý aýdanynyń ákimderine sógis jarııalady.

Oblys ákimi sanıtarlyq qyzmet pen ákimdikterdiń is-áreketterindegi qatelikter atalǵan qala men aýdan ortalyǵy Botaqara kentinde koronavırýstyń órshýine alyp kelgenin atap ótti.

– О́tken aptadaǵy nátıjeler jekelegen óńirler ákimderiniń  koronavırýstyń taralýy qandaı qaýip tóndirip otyrǵanyn uǵyna almaǵanyn kórsetti. Jedeldik, basqa memlekettik organdarmen ózara túsinistik is-qımyl joq. Turaqty epıdemıologııalyq jaǵdaıdy saqtaý boıynsha jumys álsiredi. Onyń tikeleı saldary, naqtyraq aıtqanda, sharalardyń ýaqytynda qabyldanbaýy Temirtaý men Botaqarada indettiń órshýine ákelip soqty. Osyǵan baılanysty, Temirtaý qalasy men Buqar jyraý aýdanynyń ákimderine sógis túrindegi tártiptik jaza jarııalaımyn, – dep málimdedi Jeńis Qasymbek.

Oblys ákimi óńirdegi «Nurqazǵan» kenishinde paıda bolǵan indet oshaǵyn da tilge tıek etti.

– О́tken aptada «Nurqazǵan» kenishinde ınfeksııanyń órshý saldarynan negizgi ósim boldy. Juqtyrǵandar basqa qalalarǵa baryp, otbasylyq is-sharalarǵa qatysqany týraly faktiler bar. Biz bul oshatardyń bárin bilemiz.  Olar oqshaýlandyrylǵan. Degenmen, eger sanıtarlyq dárigerler men ákimder der kezinde birlesken sheshim qabyldaǵanda, osynyń aldyn alýǵa bolar edi, – dep ókinish bildirdi oblys ákimi.

Sonymen qatar, óńir basshysy qalany aralaǵan kezde turǵyndardyń betperdesiz, toptanyp júrgenine qynjylys bildirdi.

– Men keshke jaqyn qalany aralap júremin. Sonda baıqaǵanym: maskany eshkim kımeıdi, saıabaqtar men gúlzarlarda adamdar top-top bolyp jınalady jáne áleýmettik qashyqtyqty saqtamaıdy. Qala jáne aýdan ákimderi, olarǵa sanıtarlyq talaptardy saqtaý qajettigin túsindirýdi talap etińizder. Saıyp kelgende, bul turǵyndarǵa kórsetilgen qamqorlyq, – dedi Jeńis Qasymbek. 

Apparat jıynynyń sońynda oblys ákimi sanıtarlyq-karantındik talaptardyń saqtalýyna baqylaýdy jáne aqparattyq-túsindirý jumystaryn kúsheıtýdi tapsyrdy.

 

 

Qaraǵandy oblysy

 

Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar