Ekonomıka • 25 Mamyr, 2020

Shaǵyn kompanııalardyń qatary kóbeıip keledi

16 ret kórsetildi

Olardyń ishki naryqtyǵy belsendiligi koronadaǵdarysqa deıingi  qańtar, aqpan aıyndaǵy kórsetkishterge jaqyndap qaldy. Tirkelgen zańdy tulǵalardyń 98%-dan astamy shaǵyn kompanııalardyń úlesinde bolyp shyqty. Olardyń sany 2020 jyldyń sáýir aıynyń sońynda 442,2 myń boldy. Mundaı derekterdi  rating.kz jarııalady.

Bir jyl ishinde jumys istep turǵan shaǵyn kásiporyndar sany 8,4% artyp, 307,7 myńǵa jetti. Onyń ishinde jumysyn toqtatpaǵandardyń sany –161 myń, bir jyldaǵy ósim - 1,6%.

Shaǵyn kompanııalardyń tórtten bir bóligi saýda jáne avtomobılder men motosıklderdi jóndeý salasynda jumys isteıdi: Sáýir aıyndaǵy derek boıynsha olardyń sany – 38,2 myń. Bul ótken aıdyń  osy kezeńimen salystyrǵanda 1,1% jáne ótken jylmen salystyrǵanda 1,4% kóp.

Sondaı-aq bilim berý salasy (15,6 myń kompanııa) jáne qurylys (15,2 myń) salasyndaǵy shaǵyn kásiporyndar mańyzdy salalardyń qataryna jatady.

Barlyq jumysyn toqtatpaǵan bıznes sýbektileriniń 40%-dan astamy eki astananyń - Almaty (38,9 myń) jáne Nur-Sultan (26,5 myń) qalalarynda ornalasqan.

Qaraǵandy ​​oblysynda 10,2 myń kompanııa jumysyn jalǵastyryp jatyr. Sáýir aıynda mundaı kompanııalardyń ósimi  Almaty (+ 1,6%) jáne Shymkent (+ 1,3%) qalalarynda baıqaldy.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar