Aımaqtar • 25 Mamyr, 2020

Túrkistan oblysynda bıyl 24 658 oqýshy mektep bitirdi

29 ret kórsetildi

Ereksheligi kóp bıylǵy oqý jyly oqýshylar úshin, ustazdar úshin de umytylmas. Túrkistan oblysynda elimizdegi karantınge baılanysty bıyl sońǵy qońyraý erekshe formatta, ıaǵnı onlaın rejımde ótti. Ustazdar men oqýshylardyń qaýipsizdigi úshin jyl saıynǵy úrdis kelesi oqý jyldarynyń enshisine qaldyryldy. 

Túrkistan oblysynda bıyl 24 658 oqýshy altyn uıalarymen qoshtasyp, úlken ómirge qadam basady. Olardyń 1541-i «Altyn belgige», 1240-y «Úzdik attestatqa» úmitker. Bıylǵy oqý jylynda bilim salasyndaǵy jetistikter jeterlik. Mysaly, 24 ustaz Bilim jáne ǵylym mınıstrliginiń Y.Altynsarın atyndaǵy tósbelgisimen jáne 24 muǵalim «Bilim berý isiniń qurmetti qyzmetkeri» tósbelgisimen marapattaldy. Úsh muǵalim «Jyldyń úzdik pedagogi» nomınasııasy boıynsha marapattalyp, olarǵa 1 mln teńge syıaqy tartý etildi.

Aıta ketelik, sońǵy úsh jylda Ulttyq biryńǵaı testileý nátıjesi boıynsha Túrkistan oblysynyń mektep túlekteri elimiz boıynsha jaqsy kórsetkishke qol jetkizdi. Byltyr UBT nátıjesimen respýblıkada eń joǵary 140 baldy jınaǵan Túrkistan oblysynyń túlegi bolatyn.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar