Aımaqtar • 25 Mamyr, 2020

Shymkenttiń kireberisindegi blok-beketter jumysyn jalǵastyrady

121 ret kórsetildi

Bul týraly búgin Shymkent qalasynyń ákimi Murat Áıtenov onlaın-brıfıngte málim etti.

– Blok-beketter máselesi boıynsha turǵyndardan kóptegen saýaldar kelip jatyr. Degenmen, elimizde 11 mamyrda tótenshe jaǵdaı alynǵannan keıin turǵyndar arasynda karantın talaptary tıisti deńgeıde saqtalmaýy saldarynan Covid-19 vırýsyn juqtyrǵandar sany kúrt ósti. 11-18 mamyr aralyǵynda kúnine eń joǵarǵy kórsetkish 77 adam boldy nemese ósimi 28,8% qurady.
 
Osy blok-beketterde syrttan kelgen 8 azamattan koronavırýs ınfeksııasy anyqtaldy. Sondyqtan Shymkent qalasyna kirip-shyǵatyn joldarǵa qoıylǵan blok-beketterdiń jumysy jalǵasady, – dedi Murat Dúısenbekuly.
 
Aıta keteıik, qalada sanıtarlyq tekserý jumystary kúsheıtilip 4 136 nysanda monıtorıng jumystary júrgizildi. Nátıjesinde 127 ákimshilik shara kórildi. Onyń ishinde, 65 eskertý, 43 aıyppul, 19 ákimshilik qamaýǵa alyndy.
Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar