Ekonomıka • 25 Mamyr, 2020

Almatyda «Bastaý» jobasy 10 maýsymnan bastalady

153 ret kórsetildi

Osy jyldyń 10 maýsymnan bastap «Bastaý Bıznes» jobasy aıasynda kásipkerlik júrgizý negizderine arnalǵan oqytýdyń tegin kýrstary bastalady.

Bıylǵy jyly qabyldanǵan karantındik sharalardy eskere otyryp, «Atameken Academy» onlaın platformasy arqyly qashyqtyqtan onlaın-oqytý qarastyrylǵan.       

Halyqty jumyspen qamtý ortalyqtarynda tirkelgen-tirkelmegenine qaramastan jumyssyz adamdar, Qazaqstan Respýblıkasynyń Úkimeti aıqyndaıtyn jumyspen qamtylǵan adamdardyń jekelegen sanattary oqytý qatysýshylary bolyp tabylady, onyń ishinde:

- aýyldyq eldi mekenderde, qalalarda, onyń ishinde mono jáne kishi qalalarda turatyn adamdar;
- zaǵıp jandar, eger medısınalyq qorytyndy boıynsha densaýlyǵy eńbek mindetterin oryndaýǵa kedergi keltirmese ne olardyń densaýlyǵyna jáne (nemese) basqa adamdardyń eńbek qaýipsizdigine zııan keltirmese;
- zeınetkerlik jasqa jetpegen elý jastan asqan adamdar;
- sondaı-aq NEET sanatyndaǵy jastar;
- tabysy az jáne/nemese kópbalaly otbasylardyń músheleri;
- aýyl sharýashylyǵy kooperatıvteri jáne olardyń «Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasy Zańynyń 11-babynyń 1-tarmaǵynda belgilengen zeınetkerlik jasqa jetpegen músheleri;
- qonys aýdarýshylar jáne qandastar.

Oqý merzimi 21 kúnnen aspaıdy. Baǵdarlama qatysýshylaryna sertıfıkat beriledi. Joba sheńberinde onlaın-oqytý úshin qatysýshylar halyqty jumyspen qamtý ortalyqtaryna jeke basyn kýálandyratyn qujattyń kóshirmesin qosa bere otyryp, oqýdan ótý týraly ótinishpen júginýi tıis. Halyqty jumyspen qamtý ortalyqtary úmitkerdiń mártebesin jobanyń nysanaly tobyna sáıkestigi rastalǵan jaǵdaıda oqýǵa joldama beredi.

О́tinish berýshi «Atameken» О́KP - ne nemese onyń aýdandyq jáne qalalyq fılıaldaryna ony oqýdan ótý úshin topqa qabyldaýdy ótinedi.

Sonymen qatar úmitker óz betinshe silteme boıynsha onlaın-ótinimdi qalyptastyra alady https://atameken.co/ru/course-bastau jeke basyn kýálandyratyn qujattyń kóshirmesin jáne halyqty jumyspen qamtý ortalyǵynan joldamany júkteýmen.

Oqytýdyń naqty orny men ýaqyty týraly tolyq aqparat alý úshin Almaty qalasy kásipkerler Palatasyna nemese Kásipkerlerge qyzmet kórsetý ortalyqtaryna habarlasýǵa (Almaty qalasy, Jibek joly dańǵyly, 135, 8-qabat, anyqtama telefony: 8 (727) 33 101 33) jáne ótinimderdi onlaın berýge bolady.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar