Aımaqtar • 25 Mamyr, 2020

Almatynyń ákimi tórtinshi toqsanda mektepterde qyrýar eńbek atqarylǵanyn atady

11 ret kórsetildi

Búgin Baqytjan Saǵyntaev mektep bitirgen almatylyq túlekterdi óziniń áleýmettik paraqshalarynda quttyqtady.

Almaty ákimi 9 299 mektep túleginiń úlken ómirge qanat qaqqanyn atap ótti. Sonyń ishinde 545 túlek – «Altyn belgi» ıegeri, 714 oqýshy oqý ozaty atandy.

Bıyl mektepterde sońǵy qońyraý alǵash ret onlaın túrde soǵyldy.

Baqytjan Saǵyntaev óziniń quttyqtaýynda mektep dırektorlary men ustazdardyń osynaý esten ketpes sáttiń sán-saltanatyn kelistirip, sezindirý úshin qoldan kelgendi jasaǵandyqtaryn erekshe aıtty.

«Qyrýar eńbek atqaryldy. Tórtinshi toqsanda sabaqtar qashyqtan ótti. Oqý prosesiniń úzilmeýi úshin jedel iske kiristik», – dep jazǵan shahar basshysy ustazdar men mektep dırektorlarynyń qajyrly eńbekterin atap ótti.

Mektep dırektorlaryna, ustazdarǵa, oqýshylar men olardyń ata- analaryna alǵys bildirgen qala ákimi qıyn sátti birlese eńsere bilgenniń arqasynda qundy tájirıbe jınaqatalǵanyn, onyń bolashaqtaǵy zaman synaǵyna laıyqty tótep berýge kómektesetinin basa kórsetti.

«Bıylǵy túlekter mektepti onlaın támamdaǵan pıonerler boldy. Sender qolaısyz jaǵdaıda da bilimge erekshe qushtarlyq tanyttyńdar. Balalarǵa qoldaý kórsetken ata-analarǵa myń alǵys. О́z mindetterin múltiksiz atqarǵan muǵalimderge raqmet!», – deıdi qala ákimi.

Baqytjan Saǵyntaev óziniń quttyqtaýynda túlekterdi tabandy, tapqyr jáne qaısar bolýǵa shaqyrdy.

«О́mirlerińizdiń jańa paraǵyn ashqaly tursyzdar. Bilim kókjıegin keńeıtýge múmkindik kóp. Qaı mamandyqty tańdasańyz da, sol mamandyqtyń bilgir mamany bolyp shyǵýǵa tyrysyńyzdar. Tabandylyq – arman men maqsatyńa aparar alǵashqy qadamyń. Oqýshynyń jetistigi – ustazdyń abyroıy, eńbeginiń nátıjesi. Aq jol!», – dep qorytyndylady sózin Baqytjan Saǵyntaev.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar