Bıyl - belgili jazýshy, halyqaralyq «Alash» syılyǵynyń laýreaty, Katonqaraǵaı aýdanynyń týmasy Dıdahmet Áshimhanulynyń 70 jyldyǵy. Osy mereıli dataǵa oraı qalamgerdiń týǵan topyraǵynda «Qazaqstan» ulttyq telearnasynyń bastamasymen derekti fılm túsirý bastaldy.
Biz qazir Altaıda júrgen derekti fılmniń avtory, jýrnalıst Aınur Omarǵa habarlastyq.
«Qazir jazýshynyń 70 jyldyǵyna oraı fılm túsirip jatyrmyz. Fılmge qalamgerdiń shyǵarmalaryndaǵy keıipkerler, týǵan jeri, Altaıdyń ǵajaıyp tabıǵaty arqaý bolady.
Dıdahmet Áshimhanulynyń shyǵarmashylyǵynda negizinen aýyl ómiri qamtylǵandyqtan qalamger týyp-ósken mekenge arnaıy kelip, jumys istep jatyrmyz. Fılm qalamgerdiń týǵan kúninde kórsetiledi dep josparlanyp otyr» deıdi Aınur Omar.
Shyǵys Qazaqstan oblysy,
Katonqaraǵaı aýdany
