Aımaqtar • 25 Mamyr, 2020

Túrkistan: 150-den asa jylqy men sıyr urlaǵan qylmystyq top ustaldy

328 ret kórsetildi

Túrkistan oblysynyń polıseıleri 70 mıllıonnan astam teńge turatyn 150-den asa jylqy men sıyr urlaǵan, Túrkistan jáne Kentaý qalalarynyń aýmaǵynda mal urlyǵymen aınalysyp júrgen, qylmystyq topty ustady. Bul týraly Túrkistan oblysy Polısııa departamentiniń bastyǵy, polısııa general-maıory Qaırat Dálbekov onlaın brıfıngte málim etti. 

Sáýir aıynda Kentaý qalalyq polısııa bólimine jergilikti turǵynnan maly urlanǵany jóninde habarlama kelip túsken. Jábirlenýshiniń aıtýymen polısııa qyzmetkerleri, onyń 20-dan astam jylqysy joǵalyp ketkenin anyqtaǵan. Atalǵan jaıt SDTTBT-ǵa 188-1 bap «Mal urlyǵy» 4-bóligi boıynsha tirkelip, polıseıler shuǵyl izdestirý is-sharalaryna kirisipti.

Tártip saqshylary jaqyn mańdaǵy barlyq aýmaqtar men jaıylymdardy aralap, aýyl turǵyndarynan surastyryp, mal tasymaldaıtyn avtokólik jáne úı maldaryn satyp alatyn oryndardy muqııat tekserip shyqqan. Sóıtip, jedel-izdestirý is-sharasy barysynda, Krımınaldyq polısııa qyzmetkerleri Túrkistan qalasy men Kentaý qalasynyń 5 kúdikti turǵynyn, onyń ishinde urlanǵan maldardy satyp alýshyny da ustaǵan.

«Tergeý barysynda urylardyń 125 jylqy men 30 iri qara malyn urlaýǵa qatysy bar ekendigi anyqtaldy. Búgingi tańda olardyń 2017-2020 jyldar aralyǵynda mal urlyǵynyń 19 jaıtyna qatysy bary belgili bolyp otyr. Atalǵan top uıymdasqan túrde qylmys jasaǵan. Olardyń árqaısysy ózine júktelgen mindetterdi oryndaǵan. Keıbireýi jaıylymnan maldy urlap alyp shyqsa, basqalary olardy qora-jaılarǵa jaıǵastyryp otyrǵan, al úshinshileri urlanǵan maldardy satqan nemese soıyp etin ótkizip júrgen», dedi general-maıor Qaırat Dálbekov.

Kúdiktilerdiń úıin tintý kezinde tártip saqshylary 18 jylqy men 9 sıyrdy taýyp, zańdy ıelerine qaıtardy. Qazirgi ýaqytta atalǵan jaıt boıynsha sotqa deıingi tergeý amaldary júrgizilýde. Jábirlenýshilerge 70 mıllıon teńgeden astam shyǵyn keltirilgen. Kúdiktiler qamaýǵa alynǵan. Polısııa qyzmetkerleri ustalǵandardyń basqa da osyǵan uqsas mal urlyǵy derekterine qatystylyǵyn anyqtaýda.

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar