Aımaqtar • 25 Mamyr, 2020

Mektebimen túletken qoshtasady túlekter

74 ret kórsetildi

Qyzylorda qalasyndaǵy Nazarbaev Zııatkerlik mektebinde 2019-2020 oqý jylynyń aıaqtalýyna oraı onlaın formatta sońǵy qońyraý saltanaty ótti. 101 túlek mekteppen qoshtasyp, úlken ómirge joldama aldy. 

Jıynda bilim ordasyndaǵy túlekter jetistigi men jeńisteri atalyp ótildi. Bilim, ǵylym báıgelerinde top jarǵan jas zııatkerler óner, sport saıystarynda jeńis tuǵyrynan kórine bildi. Búginde bul mektepti bitirgender AQSh, Chehııa, Vengrııa jáne Reseıdegi joǵary oqý oryndarynyń bilim granttarynyń ıegeri atansa, 19 oqýshy Nazarbaev Ýnıversıtetine shaqyrtý alyp, taǵy 19-y qabyldaý komıssııasynyń sheshimin kútip otyr.

Sońǵy qońyraý saltanatynda sóz alǵan mektep dırektory Baqyt Jumataı barsha mektep qaýymdastyǵyn kezekti oqý jylynyń sátti aıaqtalýymen quttyqtap, túlekterge sát sapar tiledi.

123

Talanttylardyń talabyn ushtaǵan muǵalimder men ata-analar da quttyqtaýyn jetkizdi. Qazaq áýeninine álemdi tamsandyrǵan Dımash Qudaıbergen bastaǵan elimizdiń óner juldyzdary da qyzylordalyq zııatkerlerge merekelik lebizderin arnady. 

123

Sondaı-aq, «Altyn belgige» úmitker Aqqý  Shaıhybek barlyq jas túlekterdiń atynan mektep ujymyna alǵysyn aıtyp, bilim alyp jatqan oqýshylarǵa mekteptiń bergen múmkindikterin tolyǵymen paıdalanýǵa keńes berip, jańa oqý jylynda tabys tiledi.

Shara barysynda mektep janynan qurylǵan ózin-ózi basqarý  uıymyn júrgizip, byltyrǵy oqý jylynda mektep prezıdenti bolǵan bitirýshi túlek Araılym О́mirbekova mekteptiń qazirgi kóshbasshysy Tomırıs Jumaǵalıevaǵa bilim kiltin saltanatty túrde tabystady.

Sońǵy jańalyqtar

«Inter» – jartylaı fınalda!

Sport • Búgin, 02:50

Tashkent tragedııasy

Sport • Keshe

Uqsas jańalyqtar