1-11-synyptarǵa arnalǵan telesabaqtar túsirilimi 23 naýryz kúni bastaldy. 6 sáýirden bastap olar «Balapan» jáne «EL ARNA» telearnalary arqyly kórsetile bastady. Sonymen qatar, sabaqtar atalǵan arnalardyń saıttary arqyly tikeleı translıasııada kórsetilip, radıo arqyly taratyldy jáne jergilikti telearnalar arqyly retranslıasııalandy.
«Online Mektep» jobasy aıasynda 42 pán boıynsha 3 myńnan astam sabaq ázirlendi.
Ár beınesabaq úshin 7 500 jattyǵý, 12 500 testtik suraqtar daıyndaldy, 100-den astam anımasııalyq beınerolıkter kórsetildi.
Jobaǵa Nur-Sultan qalasynyń 160 muǵalimi, «Bilim Media Group» kompanııasynyń 111 qyzmetkeri, 40-tan astam ádisker qatysty.
9 túsirilim stýdııasy, 20 montajdaý stansııasy jumys istedi.
Túsirilim eki aı boıy demalyssyz saǵat 9:00-den 20:00-ge deıin júrgizildi. Jumys barysynda sanıtarlyq-gıgıenalyq qaýipsizdik sharalary qatań qadaǵalandy.
