Aımaqtar • 25 Mamyr, 2020

Soltústik Qazaqstan: Aýyz sý máselesi oń sheshiledi

23 ret kórsetildi

 

Soltústik Qazaqstanda turmystyq sybaılas jemqorlyqty azaıtý, sybaılastyqqa qarsy kózqaras týdyrý, azamattardyń memlekettik bılik ınstıtýttaryna degen senimdiligin arttyrý maqsatymen «Qyzyljar-adaldyq alańy» ofısiniń jumys isteıtinin buryn aıtqan bolatynbyz. Sol uıymǵa Esil aýdanynyń alty aýylynan aýyz sýdyń tapshylyǵy jóninde shaǵym túsken bolatyn. Bulardyń qatarynda Bulaq, Taýaǵash, Sarman sııaqty irgeli qazaq aýyldary da bar. Sonyń ishinde Taýaǵash aýylyna qubyr jetkizilgenimen áli kúnge sý barmaı turǵan. Osy qatarda aýdan ortalyǵy Iаvlenka selosynyń da bolǵany aýyz sý máselesiniń bul aýdandaǵy jaıy barynsha ótkir ekendigin kórsetip tur.

Aýdan ákimi Altynbek Abdýllaev «Qyzyljar-adaldyq alańynda» bul máseleler «Jumyspen qamtýdyń 2020-2021 jyldarǵa arnalǵan jol kartasy» men «Aýyl – El besigi» baǵdarlamasynyń sheńberinde sheshiletin bolyp, 34 joba boıynsha 2,9 mlrd teńge bıýdjet qarajaty bólingenin jetkizdi. Sonyń ishinde basqa da basymdy ınfraqurylymdyq jobalar bar. «Sýmen qamtý júıelerine aǵymdaǵy jóndeý jumystaryn júrgizý boıynsha 4 joba iske asyrylyp, oǵan 69,9 mln. teńge bólindi. Bul aýdannyń 3 myńnan artyq turǵynyn sýmen qamtamasyz etýge baǵyttalǵan joba. Sonyń ishinde aýdan ortalyǵy Iаvlenka selosynyń sýmen qamtý júıesin jóndeýge 19,2 mln teńge bólindi. Bul jumys mamyrdyń 5-nen bastalyp ta ketti, aıaqtalýy tamyzdyń 30-nda bolady dep josparlap otyrmyz. Sonymen qatar Ilınka, Voloshınka aýyldarynyń sý júıelerin jóndeýge tıisinshe 20,3 jáne 19,4 mln teńge bólindi. Al Taýaǵash aýylyna sý jetkizýge 6 mln. teńge bólindi», dedi Altynbek Abdýllaev.

Sonymen birge ol «Qyzyljar adaldyq alańynda» aýdan jáne selolyq ákimderdiń turǵyndarmen 7 myńnan artyq adam qatysqan 50-ge jýyq esepti kezdesý ótkizgenin jáne osy máseleler sol jıyndarda aıtylǵanyn jetkizdi. Olarda turǵyndar ózderin qatty alańdatatyn máseleler boıynsha 106 usynystar men pikirler bildirgen eken.

 

Soltústik Qazaqstan oblysy,

Esil aýdany

Sońǵy jańalyqtar

Bıyl úlken astyqqa oraq erte tústi

Aımaqtar • Búgin, 18:05

KASE-niń jańa mindetteri aıqyndaldy

Ekonomıka • Búgin, 15:25

Ury alysqa uzamady

Aımaqtar • Búgin, 14:46

Dollardyń búgingi baǵamy belgili boldy

Ekonomıka • Búgin, 11:40

Uqsas jańalyqtar