«О́tkizý pýnktinde bolǵan qaıǵyly oqıǵa birden ishki ister organdarynda qyzmet etken eki polısııa qyzmetkeriniń ómirin qıdy. Biraq, eń ókinishtisi, jantúrshigerlik apatty jasaǵan júrgizýshi buryn polısııada istegen. Ol polısııada alty jyl qyzmet etti, qyzmettik mindetterin tıisinshe oryndamaǵany úshin tórt tártiptik jaza aldy. Bul onyń ishki ister organdarynan ketýine sebep boldy. Biraq odan keıin de ol ózi úshin durys qorytyndy jasaı almady. Zańdy buzyp, ol rýlge mas kúıinde otyryp, qylmys jasady», - dedi Almaty polısııa departamentiniń bastyǵy Qanat Taımerdenov.
Qanat Taımerdenovtyń aıtýynsha, eki nemese odan da kóp adamdy óltirgeni úshin A. esimdi azamatqa qatysty QR QK 99-babynyń 2-bóligi boıynsha sotqa deıingi tergeý bastaldy. (15 jyldan 20 jylǵa deıin nemese ómir boıyna bas bostandyǵynan aıyrýǵa jazalanady). Qazir ol qamaýda.
