Aımaqtar • 26 Mamyr, 2020

Túrkistan oblysynda elimizdegi alǵashqy munaı-hımııa kombınaty salynady

16 ret kórsetildi

Túrkistan oblysy Ordabasy aýdanynda munaıdy tereń óńdeý arqyly  munaı-hımııa jáne kómirhımııalyq kombınat ónimderi alynatyn eki joba júzege asyrylady.  

«Standart Petroleum & Co» JShS júzege asyrǵaly otyrǵan munaı-hımııa kombınatyn salý jobasyna jalpy sommasy 95 mlrd teńge ınvestısııa tartý jáne 800-den astam jumys ornyn ashý kózdelip otyr. Joba eki kezeńde júzege asyrylady. Investısııalyq quny shamamen 11,15 mlrd teńge bolatyn jobanyń birinshi kezeńin iske asyrý jumystary kúzde bastalady. Kásiporynnyń ónim shyǵarý qýattylyǵy jylyna 1 mln tonnaǵa deıin daıyn ónimdi quraıdy. Osynshama qýattylyqta ónim shyǵaratyn ekinshi kezeńin 2021 jyly iske asyrý josparlanǵan.  Jobany júzege asyrýshylardyń málimdeýinshe, bul elimizde salynatyn alǵashqy munaı-hımııa kombınaty bolmaq. Iаǵnı, munda AI-92, AI-95 markaly benzındi óndirýden basqa, munaıdy tereń óńdeý arqyly munaı-hımııa ónimderi alynady. Sondaı-aq, kásiporynda qýaty saǵatyna 35 mVt elektr energııasyn óndirý josparlanyp otyr. О́ndiris ornynyń óz qajettiligin osylaısha qamtamasyz etip qana qoımaı, syrtqy naryqqa da shyǵarýǵa múmkindik jasalady. Sarapshylardyń aıtýynsha, jobada munaıdy tereń óńdeýdiń erekshe tehnologııalary qoldanylady.

Oblys ákiminiń orynbasary Meıirjan Myrzalıev aýdanǵa jumys sapary barysynda osy biregeı jobamen tanysty. Sondaı-aq «Standart Resýrsıs»  JShS kómirhımııalyq kombınatynda boldy. Atalmysh joba aıasynda 1,5 mlrd teńge ınvestısııa salynyp, 60 jumys ornyn ashý josparlanýda. Zaýytta jyl saıyn 30 myń tonnaǵa deıin tas kómirdi qaıta óńdeýge bolady. Jobanyń biregeıligi - Eýro 5 standartty AI-92 jáne AI-95 markaly pesh jáne motor otynyn óndirýge, túrli maılar men qurylys salasyna arnalǵan materıaldardy shyǵarýǵa múmkindik beredi. Al, jobany resmı iske qosý aǵymdaǵy jyldyń maýsym aıyna belgilengen. Atalǵan jobalardyń negizgi merdigeri-munaı hımııasy salasyndaǵy naryq kóshbasshylarynyń biri bolyp tabylatyn reseılik «ETN Sıklon» kompanııasy.

1023

Atalmysh jobalar kásipkerlikti qoldaý kartasy aıasynda «Turkistan Invest» Eksport jáne ınvestısııa tartý jónindegi aımaqtyq agenttigi»  JShS qoldaýymen júzege asyrylýda. 

 

Túrkistan oblysy

Sońǵy jańalyqtar

Ult mádenıetiniń uly janashyry

Elbasy • Búgin, 16:20

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar