Sondaı-aq, kommersııalyq kompanııalar tarapynan “Sımens Qazaqstan” JShS, “Robert Bosch” - Thermotechnik Bosch JShS, Wirtgen International GmbH, C.Illies&Co, Almaty Stroı Instrýment jáne Allianz Qazaqstan saqtandyrý kompanııalary ókilderi de birge boldy. Búginde oblystaǵy 8 óndiris orny nemis elimen turaqty áriptestik baılanys ornatqan. Qonaqtardy jyly qabyldaǵan Jambyl oblysynyń ákimi Q. Bozymbaev olardy oblys tarıhymen, ekonomıkalyq jaǵdaıymen tanystyrdy. Kezdesý barysynda ózara baılanystar týraly birneshe memorandýmǵa qol qoıyldy.
Kósemáli SÁTTIBAIULY. Jambyl oblysy.
ZAŃGER KО́P, VETERINAR JOQ. Bıylǵy “Jumys jármeńkesi” A.Baıtursynov atyndaǵy Qostanaı memlekettik ýnıversıtetinde eki kún boıy ótti. Alǵashqy kúni jumys berýshilerge oqý orny aýyl sharýashylyǵyna qajetti jáne ınjenerlik, ekonomıstik mamandyqtardy usyndy. Al ekinshi kúni olar ózderiniń bolashaq qyzmetkerlerin gýmanıtarlyq, zań jáne aqparattyq tehnologııa fakýltetterinen tańdaýǵa múmkindik aldy. Jyl saıyn dástúrli ótetin bul jármeńkege oblys aýmaǵynan seksennen asa kásiporyn, mekeme basshylary qatysty. Ekonomıkanyń damýyna baılanysty “jumys jármeńkesinde” suranysqa ıe mamandyq túrleri kóbeıip keledi. Sonyń arasynda sońǵy jyldary mal dárigeri mamandyǵyn suraıtyndar óte kóp. Munan keıin bolashaq fılologtar men programmısterdi qyzmetke shaqyrǵandar da barshylyq boldy. Al zańgerler men ekonomısterge oblystyń eńbek rynogynda eshqandaı qajettilik joq.
Názıra JÁRIMBETOVA. QOSTANAI.
ÚZDIK USTAZDAR MARAPATTALDY. Oblysta ekinshi jyl qatarynan ótkizilip kele jatqan qazaq tili men ádebıeti pánderin oqytatyn ustazdar arasynda joǵary nátıjege jetken úzdik muǵalimder baıqaýynyń jeńimpazdary men júldegerleri anyqtaldy. Oblys ákimi taǵaıyndaǵan grant pen “Qazaq tili men ádebıetiniń úzdik muǵalimi” ataǵyn qazaq mektepteri ustazdary arasynan Shalqar aýdanyndaǵy Álibı Jangeldın atyndaǵy orta mekteptiń muǵalimi Saıa Tóleýova, al orys mektepteri ustazdary arasynan Alǵa aýdany, Shıbaevka orta mektebiniń muǵalimi Berik Orazov ıelenip, birinshi dárejeli dıplom men bir jyl boıy aı saıyn eńbekaqylaryna qosylatyn 50 myń teńge grantty jeńip aldy. Ekinshi dárejeli dıplomǵa ıe bolǵan úsh ustazdyń árqaısysyna bir rettik 170 myń teńge, úshinshi dárejeli dıplom alǵan bes muǵalimniń árqaısysyna bir rettik 120 myń teńge aqshalaı syılyq tapsyryldy.
Satybaldy SÁÝIRBAI. Aqtóbe oblysy.
DÁSTÚRLI QAIYRYMDYLYQ AKSIIаSY. “Petro Kazaqstan Qumkól Resorsız” AQ-tyń sporttyq-saýyqtyrý kesheninde 300 jetim, múgedek jáne az qamtamasyz etilgen otbasylarynyń balalaryna arnalǵan dástúrli qaıyrymdylyq aksııasy ótkizildi. Qaıyrymdylyq sharasyn atalmysh qoǵamnyń basqarma tóraǵasy Fan Szıachjýn quttyqtaý sózben ashyp, budan soń teatrlandyrylǵan kórinis qoıylyp, ulttyq salt-dástúr pash etildi. Búldirshinderge arnaıy daıyndalǵan syılyqtar taratylyp, qaıyrymdylyq sharasyn qala ónerpazdary án shashýmen órnektep otyrdy.
Erkin ÁBIL. Qyzylorda.
TÝǴAN JERGE TAǴZYM. Jaqynda Aıagóz aýdanynyń ákimi Nurǵalı Ázimbaev “Týǵan jerge taǵzym” aksııasy aıasynda bir top isker adamdarmen jolyqty. Olar ózderiniń kindik qany tamǵan jerleriniń kórkeıýi úshin qarjy aıamaı, kómek jasaıtyndaryn tilge tıek etti. N.Ázimbaev bıyl atqarylatyn sharalar jóninde áńgimeledi. Sonymen, aıagózdik isker jandar jyl kóleminde 700 mıllıon teńgeni aýdan ekonomıkasy men mádenıetiniń órkendeýine aýdaratyn boldy. Nesi bar, quptarlyq bastama.
Ońdasyn ELÝBAI. Shyǵys Qazaqstan oblysy, Aıagóz aýdany.
KÚN TÁRTIBINDE EKOLOGIIа MÁSELESI. Almaty oblysy boıynsha Balqash-Alakól ekologııalyq departamentinde “Innovasııalyq jobalardy ekologııalyq-ekonomıkalyq baǵyttaý” jóninde arnaıy másele qaraldy. Jıynda, sonymen qatar, óndiristik-ekologııalyq baqylaýdy júzege asyrý boıynsha 2010-2014 jyldarǵa arnalǵan memlekettik baǵdarlamadaǵy ekologııalyq saraptamalarǵa monıtorıng júrgizý, óndiristik qaldyqtar men olardy tutyný týraly máseleler talqylandy. О́tken jyly osy máselelerge bıýdjetten 5,6 mlrd. teńge bólinip, onyń 479,3 mln. teńgesi oblys, 5,1 mlrd. teńgesi Almaty qalasyna bólingeni, ekologııaǵa qatysty baǵdarlamalardyń oryndalǵany da aıtyldy.
Kúmisjan BAIJAN. Almaty oblysy.
ESKERTKISh TAQTA ORNATYLDY. Soltústikqazaqstandyqtar Uly Otan soǵysynyń ardageri, KSRO halyq muǵalimi, “Parasat”, “Qyzyl Juldyz” ordenderiniń ıegeri Grıgorıı Kýbrakovtyń esimin Mamlıýt sanatorıı-mektep ınternatynyń tuńǵysh dırektory retinde úlken qurmetpen ataıdy. Uıymdastyrýshylyq qabilet-qarymy zor talantty pedagogtyń 90 jyldyq mereıtoıy ol shırek ǵasyrǵa jýyq basshylyq etken bilim uıasynda keńinen atalyp ótti. Oǵan oblys ákimi Serik Bilálov, marqumnyń týǵan-týystary, áriptesteri, shákirtteri qatysty. Sanaly ǵumyryn jas urpaq tárbıesine arnaǵan onyń qurmetine eskertkish taqta ornatyldy. Aımaq basshysy ujymǵa úı kınoteatryn tartý etti. Reseıdiń Chelıabi oblysynda turyp jatqan qyzy Natalıa Voronsova aıtýly sharaǵa arnaıy kelip, ákesi jaıly tebirene syr shertti. Uly Jeńistiń 25 jyldyǵy kezinde onyń bastamasymen egilgen aǵash kóshetteri búginde mektep mańyn saıaly baqqa aınaldyrǵan.
О́mir ESQALI. Soltústik Qazaqstan oblysy.
