Baǵanashyl yqsham aýdanynda ornalasqan balalar úıinde búginde 100-den astam jetkinshek tárbıelenedi. Mekeme dırektory Gúlmıra Qondybaevanyń aıtýynsha, jastaıynan taǵdyrdyń talaıly tálkegine túsken jasóspirimderdiń sany jyl ótken saıyn azaıýda. Bir jaǵynan bul jetimderdi asyrap alýǵa nıetti adamdar sanynyń artýymen da baılanysty eken.
– Qazirgi kúnde memleket tarapynan ata-ana qamqorlyǵynsyz qalǵan balalarǵa, jetimderge barynsha nazar aýdarylyp otyr. Atap aıtqanda, olar tegin tamaqpen, baspanamen, áleýmettik paketpen qamtamasyz etilgen. Sonymen qatar balalar úıine Qamqorlyq keńesi de árdaıym kómek kórsetip keledi. Desek te, qandaı da bir materıaldyq jaǵdaı ata-ana meıirimi men mahabbatyn bere almasy anyq. Sondyqtan da biz múmkindigimizshe balalar úshin ekinshi ana bolýǵa tyrysamyz, – deıdi Gúlmıra Qondybaeva.
О́z kezeginde Qyzdar ýnıversıtetiniń Baspasóz jáne qoǵammen baılanys bóliminiń jetekshisi Jandar Asan oqý orny tarapynan osy taqilettes izgi ister jalǵasa beretin atap ótti.
– Ata-anasynyń tárbıesin kórip, sezine almaǵan bala men tolyqqandy otbasyndaǵy jetkinshektiń boıynda aıyrmashylyqtyń bolýy zańdylyq sııaqty. Qalaı bolǵanda da taǵdyr teperishin kórgen balalardyń jaı-kúıine qarasý, qoldaý kórsetý – paryz ispettes. Osyny árbir adam jan-tánimen sezine bilse izgilikke negizdelgen qoǵam qalyptastyrýdyń alǵysharty bolar edi, – dedi Jandar Asan.
Al Mýzykalyq bilim berýdiń terııasy men ádistemesi kafedrasynyń meńgerýshisi Dıdar Ahmetjanova urpaq tárbıesi, ulttyq salt-dástúrler, jastardy ultjandylyqqa baýlıtyn ádebıetterdi mekeme basshysyna tabystap, balalardyń ómirde óz oryndaryn tabýǵa nıettes ekendigin jetkizdi. Sonymen qatar kezdesý barysynda ýnıversıtet týraly da keńinen aqparat berildi.
Balalar úıiniń dırektory Gúlmıra Qondybaeva parasat mektebi atanǵan ulaǵat uıasynyń qaıyrymdy iske muryndyq bolǵany úshin alǵysyn bildirip, rızashylyǵyn jetkizdi.
ALMATY
