Sharany Abaı atyndaǵy QazUPÝ Tárbıe, áleýmettik jumystar jáne jastar saıasaty jónindegi deparatment dırektorynyń orynbasary Qazyna Bekbenbetova ashyp, jazǵy maýsymda stýdentterdi ýaqytsha jumyspen qamtý tártibi jáne sarbazdarǵa qoıylatyn talaptarmen tanystyryp ótti.
Almaty qalasy Jastar saıasatyn damytý qorynyń dırektory Alma Aýǵanbaeva «Jasyl El» respýblıkalyq eńbek jasaǵy jobasy týraly tolyq aqparat berip, jazǵy maýsymda atqarylatyn jumystyń aýqymy jáne aldaǵy josparlarymen bólisti. О́z kezeginde, atalmysh Qordyń bas esepshisi Irına Chýbýkova jasaq qataryna ýaqytsha jumysqa qabyldanatyn sarbazdarǵa jumysqa qajetti normatıvtik qujattardy atap ótip, eńbek aqy tóleý tárbin túsindirdi.
Ýnıversıtetimizdiń Eńbekti qorǵaý jáne qaýipsizdik tehnıkasy bóliminiń ınjeneri Ashat Bektasov sarbazdarǵa tehnıkalyq qaýipsizdik erejelerin ustaný boıynsha birqatar nuqsaýlar berip, maýsymdyq jumys barysynda qaýipsizdik tártibin saqtaýǵa shaqyrdy.
Jastar isi jónindegi komıtet tóraǵasy, shara moderatory Dildábek Dıdarbek onlaın-trenıng jumysyn qorytyndylaı kele, «Jasyl el» eńbek jasaǵy qataryna sarbazdardy qabyldaý jyldaǵydaı baıqaý negizinde júrgiziletindigin jáne irikteý barysynda jumysqa qabyldanatyn stýdenttiń áleýmettik jaǵdaıy men eńbekke beıimdiligi eskeriletindigin atap ótti.
Onlaın-trenıng barysynda stýdentter uıymdastyrýshylarǵa jasaq jumysyna baılanysty kókeılerinde júrgen saýaldaryn qoıyp, eńbek jasaǵy jumysyn tıim uıymdastyrý boıynsha óz oılaryn ortaǵa saldy.
